Berdevkê Kremlin Dmitri Peskov got, “Em hebûna Rûsyayê ya li Efrîqayê didomînin û em dixwazin bi welatên Efrîqa re li her qadê hevkariya xwe hîn xurttir bikin.”
Peskov destnîşan kir ku hevkarî tenê razemeniyan na, “qadên hesas ên mîna parastin û ewlehiyê” jî digire nava xwe. Lê belê têkildarî veqetîna Wagner a ji Maliyê, şîroveyeke rasterast nekir.
LI ŞÛNA WAGNER ‘AFRICA CORPS’ TÊ
Li gorî çavkaniyên dîplomatîk û ewlekariyê yên ji AFP’ê re axivîn, li şûna yekîneyên Wagner ên li Efrîqayê wê çêkera nû “Africa Corps” a girêdayî Wezareta Parastinê ya Rûsyayê were. Ev çêker wê li şûna Wagner bigire û wê bike ku hebûna leşkerî ya Rûs li Efrîqayê bi rengekî sazî dewam bike.
Li Maliyê cuntaya ku piştî du darbeyên sala 2020 û 2021’an hatî ser desthilatdariyê, hevkariya leşkerî ya bi Fransayê re bi dawî kir, nêzî Rûsyayê bû û di vê çarçoveyê de Wagner vexwendibû welêt.
Piştî êrîşa berfireh a sala 2022’yan li ser Ukraynayê dayî destpêkirin û piştre ji ber pêkanînên giran ên Rojava, Rûsyayê polîkaya xwe ya derve ya li hemberî Asya, Efrîqa û cîhana Ereb dijwar kir. Kremlîn bi taybetî bi gotina xwe ya dijberiya li ‘mêtingeriya nû’ û îdîaya xwe ya li ser ‘pergala cîhaneke hîn adîl’ li nava gelek lîderên Efrîkî deng vedide.
