Di sala 1992’yan de Berîtan Gulnaz Karataş li hember xeta hevkar ê zilamê serdest û li hember hêzên noker xwe ji zinaran avêt. Ev sekna Berîtan ji bo artêşbûyina jin bû despêkekî û 33 sal in gerîlayên jin li ser xeta Berîtan şer û tekoşîn dikin. Îsal jî gerîlayên jin bi boneya hatina salvegera şehadeta Bêrîtan li qadên xwe merasîm pêk anîn û ev roj bi şahiyan pîroz kirin. Di merasîmê de ji konseya fermandariya leşkerî ya YJA Star Peyman Amed axivî û peyamên girîng da.
Axaftina Fermandara Konseya Leşkerî Ya Peyman Amed wiha ye:
“Îro salvegera şehadeta fermandara mezin Bêrîtan (Gulnaz Karataş) e. Em di şexsê fermandar Bêrîtan de hemû şehîdên Kurdistanê, hemû şehîdên artêşbûyîna jinê pîroz dikin. Dîsa em bejna xwe di şexsê heval Bêrîtan, fermandara mezin de li hember hemû şehîdên Kurdistanê ditewînin. Dîsa îro 33. salvegera damezrandina artêşbûyîna jinê ye. Em salvegera artêşbûyîna jin di serî de li mîmarê vê rojê, mîmarê artêş û Hereketa Jinê li Rêber Apo pîroz dikin. Dîsa hemû şehîdên jin û hemû şehîdên Hereketa Kurdistanê pîroz dikin. Jinên di çeperan de têkoşînê dikin, jinên şoreşger, li jinên Kurd, li hemû dayîkan em pîroz dikin. Heval Bêrîtan wek kesayet û wek fermandar bû sembola fermandariya jin û bû sembola jina şoreşger û Apoyî. Di kesayeta xwe de bû mînaka fermandariya hemdemî. Di çeperên şer de berî 33 salan têkoşîneke bêhempa li hember xayîntiyê, li hember dagirkirina Kurdistanê şerekî, têkoşînekî di asta qehremantiyê de da. Bi çalakiya xwe bû sembola xeta azadiya jin. Bû sembola sekna jina Kurd a tu carî çi dibe bila bibe teslîm nabe. Heval Bêrîtan wekî fermandara artêşa jin a destpêkê, yekemin pêşenga jina Kurd bû û ji bo hemû jinên cîhanê jî bû mînak. Rêber Apo di kesayeta heval Bêrîtan de pêngava artêşbûyîna jinê 33 sal berê îlan kir. Rêbertî bi vî rengî bersiva têkoşîna heval Bêrîtan da. Artêşa jin 33 salan li hember dagirkeriya zilamên desthilatdar, artêşên desthilatdar li ser xeta azadiya jin têkoşînekî bêhempa da. Di pêşengtiya heval Bêrîtan de, di pîvan û sekna heval Bêrîtan de 33 sal li hember hemû cûreyên şer têkoşînekî pir mezin jina Kurd nîşan da. Pêngava atrêşbûyîna jin di cîhanê de, dîsa di têkoşîna azadiya jin ya cîhanê de weke mînakeke yekemin û mînakeke destpêkê bû. Ji bo vê ji bo hemû jinên cîhanê ne tenê ji bo jinên Kurd artêşa jin weke hêza parastinê bû îlham, bû bawerî. Ji bo hemû jinan cesaret da, hêz da, îrade ava kir. Di dîroka jinên cîhanê de jî mîrasa 33 salan cihekî xwe yê pir mezin, bi rûmet û bi qehremanî girtiye. Dîsa artêşbûyîna jin li hember artêşên bi zîhniyeta baviksalar a desthilatdarî hatine avakirin li hember van artêşan jî, ev saziyên desthilatdarî bû rexneyekî, bû bersivekî. Bi zîhniyeteke azad, bi rengê jin, jina Kurd artêş ava kir.
Îro jî weke YJA-Star berdewamiya artêşa jin û berdewamiya vê dîroka bîrûmet, em weke hêza YJA-Star îro jî li ser xeta fermandara mezin Bêrîtan têkoşîna xwe berdewam dikin. Artêşa jinan îro jî ji bo hemû jinan wek hêzeke parastinê ye. Û ev rol û mîsyona xwe wê berdewam bike. Heta azadiya jinan, azadiya gelan, azadiya gelê Kurd wê jin têkoşîna xwe bidomînin. Bi pêşketina desthilatdariya li ser jin a yekemin jin parastina xwe winda kir. Di şexsê jin de civak parastina xwe winda kir. Ji bo vê di qadê şer de jî, di qada artêşbûyînê de jî jin piştî hezar salan şûn de bi hêza xwe ya cewherî, bi rengê xwe, bi cewhera xwe saziyên xwe yên parastinê ava kirin. Li ser vê esasê îro jî em rola xwe ya parastinê, ya artêşê em ê berdewam bikin.
Pir fermandarên mezin pir fedaiyên mezin di vî deh salî de derketin. Bi tarzê gerîlatiya profesyonel a YJA-Star ev êrişên desthilatdariyê vala hatin derxistin. Hêzên YJA-Star bi tarzekî profesyonel di asta fermandariya taktîk de jî ev deh salên dawî rola xwe dîsa bi şeklekî pir xurt lîst.
Wê ev têkoşîna me ji vir û şûnde jî berdewam bike. Em xwe dispêrin dîroka xwe, tecrûbeyên xwe yên 33 salan û ji vir û şûnde jî erkê bikeve ser mile me bêguman wekî YJA-Star em ê pêk bînin. Ji bo ev pêvajo biser bikeve çi bikeve ser milê me em ê bikin. Lê em ê parastina xwe jî berdewam bikin. Em ê parastina jinan, Rêbertî, gelan, dayîkan ji vir û şûnde jî dewam bikin. Bila dost û dijmin baş bizane! Ji bo azadiya Rêbertî ji bo serkeftina têkoşîna gelê Kurd û têkoşîna azadiya jinan em amade ne her fedakariyê, her erkê bigrin ser milê xwe. Em ê li ser vê esasê vê pêvajoya ku bi pêşengtiya Rêber Apo hatiye destpêkirin, bi têkoşîna xwe berdewam bikin. Di şexsê şehîdên artêşa jin de û di şexsê heval Bêrîtan de em car din bejna xwe li hember wan ditewînin. Em car din roja damezrandina artêşbûyîna jin li Rêber Apo, li hemû şehîdan, li hemû jinan û hevalên amade pîroz dikin û em dibêjin; Bijî Rêber Apo! Jin Jiyan Azadî!”
