Li gorî nûçeya AFP’ê ku agahiyên xwe dispêre rayedarekî ji wezareta karên derve ya hikumeta demkî, Şara wê beşdarî rûniştinên payebilind ên 22-30’ê Îlonê bibe.
Şara ku piştî hilweşîna rejîma Esad a meha Kanûnê li Şamê li ser desthilatdariyê hate bicihkirin, ji hingî ve piştgiriyê ji derdorên cuda yên herêmî û navneteweyî werdigire. Meha Nîsanê Wezîrê Karên Derve yê Sûriyeyê Esad el Şeybanî ala nû ya welatê xwe li Neteweyên Yekbûyî bi darve kiribû.
Lê belê ji ber ku Şara bi karên xwe yên berê yên li nava El Qaîde û DAÎŞ’ê li ber qedexeya ger û geştê dikeve, divê ji bo serdana New Yorkê destûreke taybet werbigire.
Şara meha Gulanê li Parîsê bi Serokkomarê Fransayê Macron û piştre jî bi Serokê DYE’yê Trump re hevdîtin kiribû.
