Yasaya bi piştgiriya du partiyan hate qebûlkirin, bi taybetî jî di nava xwe de sererastkirinên nû yên li ser Îranê ên li dijî gefên leşkerî, siyasî û îstixbaratî dihewîne.
Sererastkirina hatî qebûlkirin, di mijarên weke kiryarên Îranê yên dewlemendikirna ûranyûmê û biryarên biçekbûna nukleerî yên muhtemel de zelaltiyeke zêde dide Kongreyê. Her wiha yasa rayeyê dide saziyên îstixbarata Dewletên Yekbûyî yên Emerîkayê (DYE) ku di mijara gefên xeter ên ji ber Îranê de hişyariyê bide welatiyên DYE’yê.
‘’ÇAVKANIYÊN LI DIJÎ GEFÊN JI BER ÎRANÊ TÊN ZÊDEKIRIN’’
Senatorê Komarparêz Tom Cotton di daxuyaniya hevpar a li gel senatorê Demokrat Mark Warner de diyar kir ku yasa li dijî gefên Îranê beralîkirina çavkaniyên hewce dihewîne û got: ‘’Ev yasa, dabînkirina çavkaniyên hewce yên parastina welatê me ya li dijî gefên ji aliyê Îranê ve tên afirandin, dihewîne.’’
Di çarçoveya yasayê de ji îstixbarata DYE’yê re têkildarî xurtkirina kapasîteya parastina li hemberî êrîşên sîber ên Îranê, hêzên wekîl, planên sûîqestê û kiryarên leşkerî yên herêmî rayeya zêde û budce tên dabînkirin.
JI DÎPLOMATÊN ÎRANÊ RE ASTENGIYA SEYAHETÊ
Her wiha ev sererastkirin, astengiya seyahetkirina li ser dîplomatên Îranê yên li DYE’yê kar dikin jî bi yasayan garantî dike. Ev sepan; di heman çarçoveya astengiyên ji bo dîplomatên Çîn, Rûsya, Koreya Bakur de tên dîtin.
Senatorê Demokrat Warner jî anî ziman ku yasaya berbehs ji civaka îstixbarata DYE’yê re çavkanî û rayeyên hewce dabîn kirine û di heman demê de mekanîzmayee çavdêriyê ya Kongreyê ya xurt ava kiriye û got: ‘’Ez jinûveqebûlkirina vê yasayê ya li gel lihevkirineke xurt a du partiyan pir kêfxweş im.’’
Yasaya Rayedarkirina Parastina Neteweyî, budceya DYE’yê ya parastinê ya sala 2026’an diyar dike û Yasaya Raedarkirina Îstixbaratî ya li vê yasayê hatiye zêdekirin jî di serî de Îran û Çîn armanc dike ku berê xwe bide gefên gerdûnî. Sererastkirina ku ji aliyê Senatiya DYE’yê ve hate qebûlkirin wê li gel îmzekirina Serok Trump bikeve meriyetê.
