Li Qibrisê Alpha News TV û Rojnameya Alpha Newsê tecrîda li ser Rêberê Gelê Kurd Abdullah Ocalan tê meşandin, rewşa mutleq a agahî nestandina ji Rêberê Gelê Kurd Abdullah Ocalan weke di manşetê de weşand.
Rojnamegera Rûm a Qibrisî Elina Stamatiou di nûçeya xwe de bal kişand ser pirsa têkildarî tecrîda li ser Rêberê Gelê Kurd Abdullah Ocalan a ji aliyê ji Parlamenterê Parlamentoya Ewropayê Loukas Fourlas ve ji Parlamentoya Ewropayê re hate kirin.
Fourlas got: ‘’Welatekî ku ji Serdema Navîn mayî li deriyê Ewropayê dixe. Tu xebat û hewldanên Tirkiyeyê yên ku di mijara tevlîbûna YE’yê re weke gaveke şênber were pejirandin, tune ne. Tirkiye bi salan e ji bo ku Ewropayê berovajî vê yekê qanih bike, serî li her rêbazê dide.’’
Fourlas bal kişand ser rewşa Tirkiyeyê û ev yek anîn ziman: ‘’Tirkiye di mijara parastina maf û azadiyên însanan de xwe gavekê jî pêş naxe. Şertên di warên rojnamegerî û edaletê de gelekî xirab in.’’
Her wiha Fourlas ragihand ku li Tirkiyeyê şertên binçavkirinê pir xirab in û rojnameger tên hedefgirtin.
Loukas Fourlas diyar kir ku Rêberê Gelê Kurd Abdullah Ocalan û girtiyên din ên li Îmraliyê bi salan e nikarin bi malbat û parêzerên xwe re hevdîtînê pêk bînin.
