Serokwekîlê Koma Partiya Demokrasî û Wekheviyê ya Gelan (DEM Partî) Sezaî Temellî li meclîsê civîna çapemeniyê lidar xist û bûyerên di rojevê de nirxand.
Temellî destpêkê bal kişand ser dosya mirina xwendekara zanîngehê Rojîn Kabaîş ku li Wanê bi gumanbarî jiyana xwe ji dest da û diyar kir ku Saziya Tipa Edlî hincet û delîl nixumandiye.
Sezaî Temellî ragihand ku di qanûna înfazê de divê wekhevî bê kirin û got, “Divê dawî li pêkanînên kêfî yên Desteyên Çavdêrî û Îdareyê bê anîn. Meseleya girtiyên nexweş divê bi rengekî mayinde çareser bibe. Cezayê girtîgehê yê heta bi hetayê yê girankirî ku li devereke din a cîhanê nîne divê ji holê bê rakirin. Bêguman divê mafê hêviyê tavilê bê naskirin.”
Serokwekîlê Koma DEM Partiyê Sezaî Temellî destnîşan kir ku pêwîste komîsyona li Meclîsê bi Rêber Apo re hevdîtinê bike û got, “Divê heyetek biçe Îmraliyê. Ev yek divê bi lez bê plankirin. Heyeta ku biçe divê bê diyarkirin. Bêguman hêviya me ew e ku heyeteke xurt be, temsîliyeta her kesî bike. Beriya her tiştî partiyên ku koma xwe hene, her wiha partiyên ku koma xwe nîne jî dikarin li nava heyetê bêne temsîlkirin. Ne ji bo carekê, hevdîtin divê bi rêk û pêk bêne kirin. Daxwaza me ev e ku ev yek pêk were.”
