Tevgera Goran bi boneya şehîdbûna Endamê Desteya Hevserokatiya Partiya Yekîtiya Demokratîk (PYD) Salih Muslim peyamek ya sersaxiyê weşand û got; “Ew ne tenê rêberekî siyasî bû, lê di heman demê de sembola berxwedan û fedakariyê bû. Wek bavekî şehîd, êşa gelê xwe bi kûrahî hîs kir û têkoşîna rizgariya neteweyî bi xwîna hezkiriyên xwe û hevalên xwe pîroz kir.”
Peyama Tevgera Goran wiha ye:
“Bi xemgîniyeke mezin me agahiya koça dawî ya serkirdeyê navdar yê Rojavayê Kurdistanê û hevserokê berê yê Partiya Yekîtiya Demokratîk (PYD), Salih Muslim, wergirt.
Serkirdeyê nemir kesayetiyekî welatparêz û têkoşerekê dilsoz bû ku tevahiya jiyana xwe ji bo xizmeta doza rewa ya gelê Kurd terxan kir. Bi awayek ku ew ne tenê serkirdeyekê siyasî bû, belkû ew sembola berxwedan û fedakariyê bû. Wekî bavekî şehîd, wî êş û azarên gelê xwe bi kûrahî hîs kir û têkoşîna rizgariya netewî bi xwîna hezkiriyên xwe û hevalên xwe pîroz kir.
Koça dawiya Salih Muslim ji bo tevgera Kurd bi giştî û bi taybetî ji bo Rojavayê Kurdistanê windahiyek mezine. Di tevahiya jiyana xwe de, ew di têkoşîna azadî û serbilindiya gelê me de mînakek paqijiyê, wefadarî û sebrê bû. Rola wî di demên hesas yên Rojavayê Kurdistanê de, dê her tim di dîroka gelê me de bi tîpên zêrîn bimîne.
Di vê dema dijwar de, em weke Tevgera Goran sersaxiyên xwe yên kûr ji malbata wî, Tevgera Kurdistanê, gelê berxwedêr yê Rojavayê Kurdistanê û hemû hevalên wî re dixwazin. Em ji Xwedê dixwazin rehma ruha wî şad bike, aştî û sebir ji bo hemûyan bibexşe.”
