Daxuyaniya Tevgera Jinên Kurd a Ewropayê (TJK-E) wiha ye:
‘’Di 17’ê Adarê de li dijî Gundê Berxbotan ê Kobanê ji aliyê balafirên dewleta Tirk ve êrîşeke SIHA’yan pêk hat û di encama êrîşê de ji heman malbatê 7 jê zarok 9 kesan jiyana xwe ji dest dan. Em vê komkujiya bi tundî şermezar dikin. Weke tê zanîn li gel banga Rêber Apo di rojevê de mijara aşitiyê heye û em hêzên ku di serdemeke wiha de li hemberî gelê sivîl komkujî pêk anîne, dubare şermezar dikin. Diyar e ku hêzên ji vê bangê aciz bûne, ji bo têkbirina pêvajoyê hewl didin dubare bikevin dewrê.
Weke ku Rêber Apo anî ziman, bi afirandina rageşiyan çalakiyeke sabotajê ya li hemberî hêviyên aşitiyê ye.
Her wiha divê ji aliyê heyeteke navneteweyî ve ev komkujiyên li ser sivîl û zarokên li herêmê werin lêkolînkirin û sûcdar werin eşkerekirin.
Weke jinên TJK-E’yî em ê li her derê vê komkujiyê di rojeva xwe de bigirin û ji bo hesabdayîna sûcdaran em bang li meclîsên xwe yên jinan dikin ku ji çalakiyên protesyoyî re pêşengtiyê bikin û bi hevre têbikoşin.’’
