Trump, li ser hesabê xwe yê Truth Socialê daxuyaniyek da û îdîa kir ku operasyon li gel hêzên leşkerî yên DYE’yê hatiye kirin. Trump di daxuyaniya xwe de ev yek anîn ziman: ‘’Dewletên Yekbûyî yên Emerîkayê, bi awayekî serkeftî li hemberî Serokdewletê Venezuelayê Nicolas Maduro êrîşeke berfireh pêk anî. Maduro û hevjîna wî hatine girtin û ji welêt hatine derxistin.
Ev operasyon li gel hêzên ewlehiyê yên DYE’yê ve hate birêvebirin. Hûrgilî, wê piştre werin parvekirin. Wê îro di saet 11.00’an de li Mara Lagoyê civîneke çapemeniyê were lidarxistin.’’
Daxuyaniya Trump, piştî nûçeyên têkildarî teqînên li Caracasê hate dayîn. Çavkaniyên xwecihî û ajansên navneteweyî ragihandibûn ku li bajêr li dora xalên leşkerî agir û dû bilind bûne.
PIŞTRASTKIRINEKE FERMÎ TUNE YE
Têkildarî îdîayên Trump hê ji aliyê Wezareta Parastina DYE’yê, Qesra Spî û hikûmeta Venezuelayê ve daxuyaniyeke fermî nehatiye ayîn. Saziyên dewletê yên Venezuelayê jî hê têkildarî rewşa Madoru daxuyaniyek nedane.
Rêveberiya Trump, di hefteyên dawîn de li hemberî Venezuelayê zexta leşkerî û aborî zêde kiribû; li Karîbîkan bi hinceta ‘’têkoşîna li dijî tiryakê’’ operasyon pêk anîbûn û dest danîbû ser tankerên petrolê yên Venezuelayê. Rêveberiya Caracasê jî dibêje ku pêngavên dawîn ên DYE’yê bi armanca hilweşandina rêveberiya Maduro û kontrolkirina çavkaniyên petrolê yên welêt tên avêtin.
