Vasfî Hoştaş ku li Girtîgeha Girtî ya Tîpa H ya Eskîşehîrê dihat girtin û berdana wî du caran hatibû astengkirin piştî 32 salan hat berdan. Hoştaş li ber girtîgehê ji aliyê endamên Komeleya TUHAY-DER û rêveberên Partiya Wekhevî û Demokrasiyê ya Gelan (DEM Partî) ên Eskîşehîrê ve hat pêşwazîkirin.
Vasfî Hoştaş di sala 1995’an de li Edeneyê hat binçavkirin û girtin. Hoştaş li girtîgehên Konya, Ceyhan, Edene, Sêrt, Silifke û Nevşehîrê ma.
Hoştaş ku berdana wî berê du caran ji hêla Lijneya Îdarî û Çavdêriyê ve hat astengkirin, dîsa hat paşxistin. Piştî ku îtîraza wî ya li dijî biryara lijneyê hatepejirandin îro ji Girtîgeha Girtî ya Tîpa H ya Eskîşehîrê hat berdan.
Her wiha Îlhan Keklîk ku di sala 1996’an de li Stenbolê hat binçavkirin û girtin, îro ji Girtîgeha Vekirî ya Eskîşehîrê jî hat berdan.
Îlhan Keklîk li girtîgehên Şemsûr, Elbistan, Mereş, Edene, Meletî, Wan, Erzirom, Osmaniye û Eskîşehîrê ma, pênc roj berê di bin çavdêriya dadgehê de hate berdan. Îro bi şertê venihêrtina edlî hat berdan.
Keklîk li ber girtîgehê ji aliyê malbat, hevalên xwe, rêveberên DEM Partî û TUHAY-DER’ê ve hat pêşwazîkirin.
