Îro zêdeyî 20 milyon kes li Iraqê ji bo hilbijartina parlementê dengê xwe bi kar tînin. 39 hezarî zêdetir sindoqên dengdanê li seranserê Iraqê hatine danîn û ji vana 39 sindoq li Şengalê hatiye danîn.
Pêkhateyên Şengalê Êzidî, Ereb, Kurdên Şîe û gelên din îro ji saet 07.00’ê sibehê ve berê xwe didin navendên dengdanê.
Li gorî agahiyan, ji serê sibehê û pê ve xelkê Şengalê bi girseyî diçe ser sindoqan û eleqeyeke mezin nîşanî dengdanê dide.
Îsal gelek hilbijêrên ciwan ên cara yekemîne denge xwe bikarbînin li Şengalê heye.
Li gorî Rojnewsê, li cihên dengdanê hinek kesên ser bi hinek lîsteyên li Şengalê tên bangeşeya namzetan dikin û ji wan dixwazin deng bidin namzetên wan ku ev binpêkirineke berbiçav e.
