Li Bolîvyayê xwepêşandanên li dijî Serokdewletê Rodrigo Paz Pereira zêde dibin. Li paytext La Pazê di navbera xwepêşanderan û polîsan de şer çêbûn.
Xwepêşandan li dijî krîza aborî, kêmbûna sotemeniyê û enflasyona bilind pêk tên. Hat ragihandin ku xwepêşanderên ku hewl didan ber bi Qada Murillo ve bimeşin, rastî mudaxeleya polîsan hatin.
Dozgeriyê ji bo serokê sendîkaya karkeran Mario Argollo, bi tohmeta “terorîzm” û “teşwîqkirina sûc” biryara binçavkirinê da. Çapemeniya xwecihî, ragihand ku di bûyeran de bêhtirî 100 kes hatine binçavkirin.
Hikûmet, îdîa dike ku li pişt xwepêşandanan serokê berê Evo Morales heye. Morales, jî li ser medyaya civakî piştgiriya xwe ji bo xwepêşanderan anî ziman.
Hat ragihandin ku ji ber çalakiya girtina rêyan ku du hefte ne li seranserê welêt berdewam dikin, li La Pazê sotemenî, xwarin û dermanan kêm bûne. Li gorî agahiyan, di pevçûnan de xwepêşanderek hatiye kuştin.
