Hate diyarkirin ku Yekîtiya Ewropayê (YE) di sê mehên ewil ên sala 2026’an de ji bo hawirdeya gazê 2,88 milyar euro daye Rûsyayê. Rêxistina hawirdor û mafên mirovan a bi navê Urgewald ku navenda wê li Elmanyayê raporek amade kir û di rapora xwe de eşkere kir ku YE’yê çavkaniyeke zêde daye sektora enejiya Rûsyayê.
Li gorî raporê, YE di serdema berbehs de ji tesîsên Yamal LNG ên li Rûsyayê 69 sewqîyaqên LNG’ê kirine. Piraniya wan sewqiyatan di serî de bendera Zeenrugge ya li Belçîkayê gihîştine termînalên li Fransa, Spanya û Hollandayê.
Daneyan nîşan dan ku ji sedî 97’ê sewqîyatên ku ji Yamal LNG’ê hatine kirin, ji bo Ewropayê hatine kirin û bes du sewqiyat ji bo Çînê hatine kirin. Ev yek nîşan dide ku Rûsya di hawirdeya LNG’ê de hê jî ji bo Ewropayê di pozîsyona bazirganiya sereke de ye.
Her wiha zêdebûna buhayê gazê gelek bal kişand. Piştî êrîşên li ser Îranê û girtina Tengava Hurmuzê li Ewropayê di meha Adarê de buhayê gazê serê megavatê bû 53 euro. Ev yek li gorî buhayê meha ewil a salê tê wateya buhabûna zêdetirî ji sedî 50’yan.
Li gorî pisporan, ev geşedan bûne sedem ku dahatên enerjiyê yên Kremlînê zêde bibin. Her wiha hişyarî hate dayîn ku ger Ewropa vê yekê bidomîne dibe ku rê li ber krîzeke enerjiyê ya nû veke.
