Yekîneyên Parastina Jin (YPJ) li ser malpera xwe têkildarî şehîdbûna şervana wan Delîla Dêrsim (Nazan Agirman) daxuyaniyek da.
Daxuyaniya YPJ’ê wiha ye:
“Gelê Kurdistanê di rêya şoreşê de gelek ewladên xwe yên giranbiha û qehreman feda kirine û hina jî di heman rengî, gelek jin û mêrxwasên vê xakê xwe feda dikin. Reberê gelê Kurd li ser pakrewanên pîroz dibêje “Em şehîdan dispêrin dilê xwe, naspêrin xakê”. Bi her şahadetekê re me sozek daye û em soza xwe jî bi gavên pir xurt pêktînin û têkoşîna xwe jî pêş de dibin. Em jî wek şagirtên Rêber Apo, hevre û şopdarên şehîdên qehreman em sozdariya xwe bi pakrewanên xwe re tînin ziman û em dibêjin şehîd pêşengê riya me ne, berhema ked û fedaîtiya wan em ê biçin serkeftinê û paradîgmaya Rêber Apo em ê pêk bînin.
Di serî de em ji Rêber Apo, ji malbata xwe ya heja û welatparêz re tevahî gelên xweyê azadîxwaz re sersaxiyê dixwazin. Di nava şoreşê de her bedêlek ji bo me ne windahiyek deskeftiye.
Bi şahadeta her jineke berxwedêr û dilwêrek bi sedan jinên ciwan çeka şeref û xîretê ya şehîda radikin û beşdarî têkoşîna wekhevî û azadiyê dibin. Şahadeta rê hevala me Delîla Dêrsîm bi nasnav Nazan Ağırman ku ji herêma Mêrdînê ye, 11’ê Çileya 2025’an li eniya Tişrînê di encama lêdana balafira keşfê ya dewleta Tirk a dagirker de gihaştiye şehadetê. Em hevrêya xwe Delîla Dêrsim bi hûrmet û minnetdarî bi bîr tînin û bejna xwe li hemberî mezinahî û piroziya wê tînin ziman. Di şexsê heval Delîla de tevahî şehîdên şoreşê re giradan û dilsoziya xwe dubare dikin. Bila malbata me ya welatparêz bi rehevala me jina têkoşer Delîla serbilind û şahnaz bin ji ber hevrê Delîla heya kêliya jiyana xwe ya dawi bi armanca doza azadiyê re têkoşiya û bû yêk jî remza berxwedana şoreşa Rojava û îro ji bo jinên cihanê û tevahî mirovahiyê heviya azadiyê.
Hevala Delîla wekî keçeke Kurd ji malbatekî welatparêz li bajarê Mêrdinê sala 1989’an de hatiye dinê. Malbata Agirman, hevrêya me bi heskirina welat û çanda Kurdperwerî mezin dike. Malbata heval Delîla di pevajoyekî ku hebûn û tûnebûna Kurdan di nîqaşê de bû, doza azadiyê nas dike. Yek jî malbata ku di destpêka vejîna Kurd de, xwedî roleke giring hil dide ser milê xwe. Wek hemû gelê me yê azadîxwaz pir zextên dijwar yên dijmin re şahîdî dike. Ji ber zexta dijmin malbata hevala me neçar dimîne û berê xwe dide koçberiyê. Hevrê Delîla bi berikirina welat ya Kurd ve bi salan jiyan dike. Ruxmê ku ji welat dure û di navenda pergala Kapîtalîzmê de jiyan dike lê dev ji çanda xwe ya kevnar bernade û hertim xwedî çand û zimanê dayika xwe derdikeve. Xeyalên wê êdî ji nûve gehandina welat bû. Bi vê evînadariyê sala 2009′ an de ew bi xwişka xwe re dikeve dû xeyalê xwe û ji Belçikayê berê xwe dide çiyayên Kurdistanê. Bi dîtina welat re hertim bi coş û kelecanek mezin tevlî hemû xebatan dibû. Ji hemû hevreyên xwe re, di zirûfên herî zehmet de pêşengî dikir. Ew di hemû keliyên jiyana xwe de li ser van xakên piroz ji nûve dayik dibû. Bi herîkina jiyanê re wê xwe ji nû ve diafirand. Ew şervanek û fermandarek heqîqetê bû ku bê rawestan her tim têdikoşiya. Ew di rêbazê xwe yê jiyanê de pir xwezayî û dilnizim bû. Rêhevala me wekî deryayekî ewqas kûr û fireh bû ku di hûndirê xwe de mezinahiya fîkrê Rêbertî radigirt. Fermandara azadiyê Delîla, di nava jiyanê de fedakar û di şerê xwe de jî fedayî bû.
Di hemû erkên ku wê hildigirt ser milê xwe de teqez serkeftî bû. Berê wê hertim li Rêbertiya azad bû, ji ber vê wê tucara binkeftin ji xwe re qebûl nedikir. Her tim berê wê hûnandinên fîkrê civaka demokratîk û azad yê Rêber Apo bû. Piştî têkoşînek bê eman ya salên dirêj hevrê Delîla ji qadên çiyayên azad berê xwe dide Rojavayê Kurdistanê. Ji ber wê di avabûna şoreşa Rojavayê Kurdistanê de yekbûna hemû Kurdistanê û hemû jinan didît. Demên herî zehmet de wek jinek ciwan berê xwe da van qadan û ala ku Arîn û barînan hilgirtibû ser milê xwe, rakir li ber asîmanan. Ji ber di wan deman de xeteriya DAÎŞ’ê li ser Rojavayê Kurdistanê û mirovahiyê hemû xeteriya xwe domdar bû. Ew jî beramberî DAÎŞ’ê ku kesê nedikarî li beramberî wan bisekine bû agirek ji pola. Di pêngava yekem de DAÎŞ bi giştî hat şikandin. Lê belê ji ber xeteriya DAÎŞ’ê berxwedana hevrêya me jî wek gelek qehremanên me dewam kir. Ew şervanek û fermandarek werek bû ku di gelek operasyonan de cihê xwe girt. Hevrêya me ji Kobanî heya Reqa û Bahozê pakrawanek be rawestan bû. Gelek perwerdeyên k bîrdozik û leşkerî dît. Hemû danehevên ku ji şer girtî, zivirandibû tarzê jiyana Apogerî. Hevala me di jiyan û şerê xwe de hertim bû xwedî mîrateyên şehîdên me.
Rawestgeha hevrêya me ya lûtkeya berxwedanê Bendava Tişrînê bû. Bendava Tişrînê bi yekgirtina gel û şervanan re bû remza şerê gelê şoreşgerî ya hemdemîn. Ji 7 ‘salî heya 70’ salî her kes serkeftinê wekî mifteya ku deriyê aştiyê vedike, dîtin. Hevrêya me bû yek jî berxwederên bê eman ya Bendava Tişrinê. Wê bi evîndariya welatê xwe re şer kir. Jina têkoşer ji Bendava Tişrinê xwe gihand Mêrdina Rengîn. Hevrêya me Delîla bi serkeftina berxwedaniyê re ji Bendava Tişrînê heya Mêrdînê bû pira hevgirtinê. Em wek hêzên parastinê ji şehadeta qehremana gelê xwe serbilindin. Em wek hevrêyên wê teqez dikin ku heya em negihejin serkeftina xakên kevnar yên mirovahiyê û Serokê azad em ê dev ji vê tekoşînê bernedin. Em dubare sersaxi ji malbata hevrêya xwe û hemû gelên mezlûm re dixwazin.”
NASNAMEYA ŞEHÎDÊ
Nav û Paşnav: DELÎLA DÊRSIM
Nav û Paşnavê Rast: NAZAN AĞIRMAN
Navê Dayikê: VEHBIYE AKKURT
Navê Bav: ABDURRAHMAN
Dîroka Şehadetê: 11.01.2025
