Fermandariya Yekîneyên Parastina Rojhilatê Kurdistan (YKR) û Hêzên Parastina Jinan ya Rojhilatê Kurdistanê (HPJ) der barê êrişên ser Rojavayê Kurdistanê de daxuyaniyek belav kir. YKR’ê û HPJ’ê ewil bang li her kesê kirin ku tevlî seferberiya ji bo parastina Rojavayê Kurdistanê bibin û gotin; “Em amade ne tevlî berxwedana Rojava bibin.’’
Daxuyanî wiha ye:
“Îro ji aliyê çeteyên ser bi dewleta Suriye, Tirkiye û bi piştgiriya hêzên Herêmî û Navneteweyî ve êrişek berfireh li ser gelê meyê Rojavayê Kurdistanê destpê kiriye. Armanca van êrişan dawî anîna destkeftiyên gelê Kurd ên ku bi xwîna şehîdan û berxwedana her çar parçeyên Kurdistanê hatiye bidest xistine. Rojava nirxê neteweyî, azadî û demokrasî ya gelê Kurd, hemû jin û azadîxwazên Rojhialta Navîne. Ji bo wê xwedî derketina li gel û Rojavayê Kurdistanê erkek exlaqiye.
Tevî niha li Rojhilatê Kurdistan û Îranê dewleta Îran komkujiyan bi ser gelê me de dibe û gelê Kurd û Îranê ji bo azadiyê têkoşînek bê hempa dimeşîne, carek din Rojavayê Kurdistan nûnertiya hemû gelê Kurd dike. Divê bi helwestek netewî xwedî lê derbikevîn. Lewma divê her kes tevlî nava şer û berxwedana Rojava bibe.
Çawa di dema êrişa çeteyên DAIŞ ya li ser Kobanê û Şengalê de, ciwanên Rojhilatê Kurdistanê tevlî berxwedana dîrokî bûn û bi sedan ciwan şehîd bûn, îro jî divê heman helwest were raberkirin. Em wek Yekîneyên Parastina Rojhilatê Kurdistan (YRK) û Hêzên Parastina Jinan ya Rojhilatê Kurdistanê (HPJ) amadene tevlî şer û berxwedana Rojavayê Kurdistanê bibîn.
Divê hemû gel, bi taybet ciwan û jin bi ruhê şoreşa ‘Jin, Jiyan, Azadî’ û dirûşmeya ‘Parastina Rojava parastina Kurdistanê ye’ tevlî şer û berxwedana neteweyî ya Rojavayê Kurdistanê bibin.’’
