Navenda Ragihandin û Çapemeniyê ya Yekîneyên Rojhilatê Kurdistanê (YRK) nasnameya fermandar Gerdenî Deman bi nasnav Feraşîn Bêrîtan eşkere kir.
Daxuyanî bi vî rengî ye:
“Di dîroka 14’ê Berfenbara 2023’an de, dema ku fermandar û hevreyê me Feraşîn Bêrîtan li ser erkê xwe yên şoreşgerî bû, li qadên me di encama êrîşeke hewayî ya dewleta Tirk de gihîşte şehadetê.
Şehîdên me ji bo armancên mezin bûn cangoriyên têkoşînê û hevrê rast ên Rêber Apo. Di nava şert û mercên herî zehmet de, ku her kesî digot dijmin li Kurdistanê her tişt teslîm girtiye, bûn şervan û fermandarên fedayî ya gelê xwe. Bi vê têkoşîna ku ji 32’î salan zêdetir tê dayîn, dîroka xaka Kurdistanê mezin bû û jiyaneke nû hate afirandin. Şehîdên me bûn dîroknasên herî mezin ku dîrok fêm kirin û di dîrokê de destanên lehengane yên bê nimûne nivîsandin. Ji bo vê jiyanîkirina tevahî hesret û bêrîkirinên şehîdan, erka me ya sereke ye. Di vê çarçoveyê de em diyar dikin ku li gorî wesiyeta şehîdan jiyîn, erk û berpirsyartiya şoreşgertiyê ya sereke û bingehîn e. Li ser vê esasê em di şexsê fermandarê xwe, hevrê Feraşîn Bêrîtan de, soza xwe li beramberî tevahî şehîdan nû dikin û xwedî li armancên wan a jiyana azad derdikevin.
Di serî de, ji malbata hêja ya şehîdê xwe re, em sersaxiyê ji tevahî gelê Kurdistanê re dixwazin û soza xeyalê wan gihandina serkeftinê didin diyar kirin.
Agahiya li ser nasnameya hevreyê me yê şehîd, bi vê rengî ye;
Nasnav: Feraşîn Bêrîtan
Nav û Paşnav: Gerdenî Deman
Cihê ji dayîkbûnê: Selmas
Dayîk-Bav: Hanîfe-Cemîl
Dîroka Şehadetê: 14’ê Berfenbara 2023
Di derbarê jiyana hevreyê me Feraşîn Bêrîtan de;
Hevrêya me Gerden Deman bi navê xwe yê tevgerî Feraşîn Bêrîtan, di sala 1989’an de, li bajarê Selmas a Rojhilatê Kurdistanê, di nava malbateke welatparêz de çavê xwe li jiyanê vedike. Di herêma ku hevrê Feraşîn lê ji dayîk dibe de, çanda kevnar a xwedawendîtiya jinê li pêş e. Heman demê de Selmas dikeve bin binara çiyayê zegrosan, heybeta zagrosan bandora xwe li ser serhildêrî û dijwariya gel dike, ev dijwarî di gel û tevahî civakê de sekn ava dike. Bi taybet jî jinên vê herêmê di aliyê rêvebirina civakê de xwedî taybetmendiyên serkêşiyê ne. Di cihên bi vê rengî asê, serkêş û bilind de kesayetên mezin derdikevin. Ji bo wê jî dema ku tên beşdarî refên têkoşîna azadiyê dibin, gelek zû bi pêş dikevin. Ji ber ku zemînekî wan a civakî ya welatparêzî û hezkirina axê heye. Girêdanbûna bi axê, bi mirovahî û civakbûnê, û ji vê re ked dayîn û xwîn rijandin weke taybetmendiyeke sereke ya vê herêmê ye. Rêheval Feraşîn jî, ewladê herêmeke bi vê rengî ye. Hîna dema nû çavên xwe li jiyanê vedike, bi rastiya hovane ya dijmin re rû bi rû tê. Ev di kesayeta hevrê Feraşîn de, hestên tolhildanê bi pêş dixe. Ji bo vê jî riya herî rast a xwe gihandina azadiyê, riya rastî û heqîqetê ya Rêber Apo hildibjêre. Ser vê esasî 2008’an de beşdarî nava refên tevgera azadiyê dibe.
Ji dema beşdarbûna xwe heya kêliya şehadetê, hem weke şervan û hem jî weke fermandar, di nava têkoşînê de, gelek rolên mezin û sereke dileyîze. Bi xwedî derketina li navê hevrêtiya Rêber Apo, di nava 24 seatên xwe de bê navber û westan têkoşîn dikir. Hevrê Feraşîn bi vê taybetmendiya xwe, êdî her roja ku derbas dibû mezin dibû, gav bi gav, bi xwe perwerde kirinê, kesayeta xwe dahorandinê û bi Rêber Apo xwendinê xwe digihîne, asta fermandara pêşeng a serdema nû. Di nava 15 salên têkoşînê de, ji gel û hevreyên xwe re dibe rêzana riya rast a wekhevî û azadiyê. Rêheval Feraşîn weke şervanekê her tim bi wê baweriyê jiyan dikir ku wê rojekê li Kurdistanê ronahiya ku bi salan hatibû tefandin, ji nû ve were pêxistin, weke fermandarekê jî erka xwe gihandina vê armancê pêk dianî.
Ji bo vê jî hevrê Feraşîn yek ji pêşengên me yên bi mînak e, ku her kesî jê hez dikir û timî mînak dihate nîşan dan. Bi zîrekî, zindîbûn û kêrhatîbûn û xwîngermiya xwe her kes li derdorê xwe dicivand û bawerî, hêz, îrade bi her kesî dida jiyan kirin. Bi van taybetmendiyên xwe yên xwaşik, ku bi rengê cewhera jinê ye, hevrê Feraşîn li qadên cuda cuda têkoşîn kir. Li her qadekê ku têkoşîn kiriye, bi jêhatîbûn û fedakariya xwe, têkiliyên bi gel û hevreyên xwe re, bi moral û coşeke mezin domandiye. Di nava têkoşîna bê navber a 15 salan de berpirsyartiyên mezin girte ser milê xwe, bi înada xwe ya di serkeftinê de jî, serkeftinên mezin bi dest xistin.
Li ser vê esasî, em careke din diyar dikin ku em ê di şexsê hevrê Feraşîn Bêrîtan û Aryen Arê de xwedî li ked û têkoşîna tevahî şehîdan derbikevin. Di vê çarçoveyê de em weke Hêzên Rojhilatê Kurdistanê, ji malbatê hêja ya şehîdê xwe û ji hemû gelê xwe yê welatparêz re sersaxiyê dixwazin. Ji bo pêkanîna armanc, xewn û xeyalên wan, soza bilind kirin û serxistina têkoşîna wan didin.”
