Daxuyaniya Navenda Ragihandinê ya Fermandariya Yekîneyên Parastina Rojhilatê Kurdistanê (YRK) bi vî rengî ye:
“Di demên dawî de bi taybet piştî operasyona hêzên supayê pasdaran a li ser hêzên me li herêma Mihabad 4 gerîla şehîd bûn. Me li ser wê bûyerê lêkolîn da despêkirin. Di wan lêkolînan de carek din hat piştrastkirin ku ya ku bûye sedema şehadeta hevalên me hevkariya Kurdên xwefiroş a bi dijmin re ye. Ev kes xwe mîna cehş bi rêxistin dikin û mîna kurmê darê di hundir de bi dijmin re êrîşî destketiyên gelê Kurd dikin, bi her awayî ji dijmin xirabtir darbe lêdidin.
Di daxuyaniya xwe ya beriya niha de, me dabû diyarkirin ku Cehşê bi Navê Omer Dehqan ji ber destê xwe di şehadeta 4 hevalên me de hebû û di nava operasyonê de cihê xwe girtiye, ji aliyê hêzên me ve ji bo tolhildana wê bûyerê hatiye cezakirin. Di vê bûyerê de ne tenê ew, hin cehşên din jî ku hevkarî bi dijmin re kirine hatine tespîtkirin û di demên guncaw de wê hesab ji wan were xwestin. Dîmenê çalakiya tolhildana Şehîdên Mihabad a cezakirina Omer Dehqan di destê me de heye û îro wê ew dîmen li gorî seata Rojhilatê Kurdistanê bi şev Seat 9:00’an li ser kanala telegram a Ofiqî Gerîla were weşandin.”
Di dawiya daxuyaniyê de ev hişyarî hate dayin:
“Weke Fermandariya Yekîneyên Parastina Rojhilatê Kurdistanê (YRK) careke din em hişyarî didin û dibêjin ku yê destê xwe di xwîna gelê me û gerîlayan de hebe û bi nirxên gel bilîzin, bê exlaqiyê di nava civakê de pêş bixin, karên madeyên hişbir bikin û ciwanên me ji rê derbixin teqez wê bêne cezakirin. Lewma bangawaziya me ji wan kesan re heye ku dev ji çeka dijmin berdin, nebin hevkarên kiryarên dijmin û werin nav refên gelê xwe bi Kurdbûna xwe serbillind jiyan bikin.”
