Navenda Ragihandinê ya Hêzên Ewlekariya Hundirîn a Herêma Bakur û Rojhilatê Sûriyeyê têkildarî erebeya ku duh êvarê li bajarê Hesekê hatibû teqandin daxuyaniyek nivîskî weşand.
Di daxuyaniyê de ev agahî hatin parvekirin:
“Hêzên me têkoşîna li dijî terorê û paqijkirina gundewarên Hesekê bi taybet herêma Holê û kamp ji şaneyên terorîst û alîkarên wan didomînin. Hemwextî vê xebatê jî aliyên dijber duh êvarî (duşem 11 Mijdar) erebeyeke hunday ya Mala Gaziyên Şer li taxa Salihiyê nêzî Gerînendeya Avê ya li bajarê Hesekê teqand. Erebe bi rêya mayînekê hate teqandibin, dibe bi cîhazê kontrolê ve hatibû girêdan ji dûr ve hate teqandin. Di encamê de 3 şervanên QSDˈê (2 şervan di têkoşîna li dijî rêxistina DAÎŞˈê ya terorîst gazî bibûn û yek jê ajokar) şehîd bûn.
Hêzên me der barê vê kiryarê terorîst ê nemerdane de lêkolînê didomîne da bighêje failan wan û sewqî edaletê bike.”
