Komîteya Koçberên Serêkaniyê ji bo ji nû ve destpêkirina karwanên vegerê daxuyaniyek parve kir.
Di daxuyaniyê de ev agahî hatin parvekirin:
Di çarçoveya şopandina Komîteya Koçberên Serêkaniyê ya ji dosyaya vegera koçberên bo bajar xw gundên xwe, xebata berdewam a ji bo peydakirina vegera ewle, dilxwazî, rûmet û mayînde de em amadekariya ji nû ve birêxistinkirina şandina karwanên vegerê bo hejmarek gundên Serêkaniyê di çend rojên bê de dikin. Ev jî piştî aliyên ewlehî û îdarî yên eleqedar ji bo bersivdana şert xw mercên bingehîn a vegerê da pêk hat.
Ev koma ku wê bi rêkeve ji koçberên kampa Telai ya Serêkaniyê ye, ji nêzî 725 malbatan pêk tê.
Komîteyê diyar kir ku xebata li ser vegerandina koçberan ne tenê birêxistinkirina karwanan e lê şopandina hemû aliyên ewlehî, îdarî, xizmetguzarî û hiqûqî yên girêdayî proseya vegerê ye di nav de jî ewlehiya vegervanan, parastina maf û milkên wan û peydakirina hêmanên jiyanê û aramiya li herêmên vedigerin e.
Komîteyê anî ziman ku ew bi berdewamî tevahî pêşdeçûnên girêdayî dosyaya vegerê dişopînin, peywendî û hevrêziyê bi aliyên eleqedar re dikin ku koçberên vegerin biparêzin û mafên wan peyda bikin û tevahî tedbîrên guncaw pêk bînin ku zêdegavî yan jî binpêkirin li dijî wan neyên kirin mîna berê ji hêla hin komên çekdar ên derveyî qanûnê bûne.
Di heman demê de xebat û hevrêzî ji bo amadekirina şert û mercên guncaw ên vegerê li tevahî tax û navenda bajarê Serêkaniyê di demên pêş de tên kirin.
Di heman demê de, xebat û hevkarî ji bo afirandina şert û mercên pêwîst ji bo ji nû ve destpêkirina vegera koçberan li hemû taxan û navenda bajarê Serêkaniyê bi xwe di demek nêzîk de didomin. Ew yek wê li gorî mafê şêniyên bajêr ên vegera li bajar, mal û erdên xwe, di bin garantiyên zelal û ewle de bi rêya aktîvkirina rola saziyên ewlehiyê li bajêr, ku beşek ji Parêzgeha Hesekê ye, pêk were.
Komîte xebatên xwe ji bo bidawîanîna êşên koçberan didomîne û diyar kir ku mafê vegerê mafekî parastî ye û armanca bingehîn dê misogeriya vegera şêniyên Serêkaniyê li warê xwe bi awayekî ewle û rûmet be, maf û milkên wan were parastin û xebat bi tevahî aliyên eleqedar re tê kirin ku bigihînin vegera giştî û mayînde ji bo tevahî koçberan.”
