Serokê Giştî yê CHP’ê yê hatî hilbijartin Ozgur Ozel û 28 endamên Meclîsa Partiyê ji Meclîsa Partiyê îstîfa kirin. ji ber ku lîsteya 57 kesan a Meclîsa Partiyê daket binê 40 kesî aliyê Ozgur Ozel di çarçoveya rêznameyê de banga komkirina kongeyê li Kemal Kiliçdaroglû yê hatî tayînkirin, kir. Lê belê dubare aliyê Kemal Kiliçdaroglû bersiveke neyînî da banga berbehs.
Berdevkê Partiyê yê CHP’ê Muslîm Sari daxuyaniyek da û ev yek anîn ziman: ‘’Em ê civîna xwe ya Meclîsa Partiyê li dar bixin, em ê tevî hemû şert û mercan jî xebatên xwe bidomînin. Heya ku biryara tedbîrê hebe nabe ku kongre were lidarxistin, bi tu awayî nabe.’’ Alîkarê Serokê Giştî Berhan Şîmşek jî têkildarî mijarê ev yek anîn ziman: ‘’Pêvajoyeke ku agahiya me hemûyan jê heye ku ew jî tedbîr e. Ji ber ku doz di Dadgeha Bilind de negihîştiye encamekê em nikarin ne hilbijartinên taxan, ne yên navçeyan ne jî kongreyê bikin. Ji ber ku rewşeke derasayî heye pêvajo berdewam dike. Di Meclîsa Partiyê de 5 kes jî bimînin, jiyan berdewam dike.’’
