Artêşa Tirk a dagirker di saetên sibehê de rêyên sereke yên gundê Şîdinê, Keşanê, Şîlanê, Evlehû, Pîrbila, Bandorê û Bankê yê bajarokê Batîfa ya navçeya Zaxo ya Dihokê girtin û rê nedan welatî û cotkarên herêmê biçin ser zevî û baxçeyên xwe.
Liv û tevgera leşkerên artêşa Tirk a li herêmê heta saet 17:00’an berdewam kir. Heta niha ti daxuyaniyên fermî têkildarî vê liv û tevgera leşkerî ya artêşa Tirk li herêmê nehatine dayîn. Hikûmeta Herêma Kurdistan û Iraqê jî têkildarî mijarê heta niha bêdengin.
