Serokê Yekîtiya Nîştimanî ya Kurdistanê Bafil Talebanî îro li Debaşan a Silêmaniyê pêşwazî li Konsolê Giştî yê Îngilîstanê yê li Herêma Kurdistanê Beasley kir.
Di civînê de encamên hilbijartinên Parlementoya Iraqê hatin nîqaşkirin û ji bo parastina aramî û aştiyê li Iraqê tekezî li ser berdewamiya koordîneya di navbera aliyan de hat kirin.
Her wisa di hevdîtinê de têkildarî yekitîya Kurdan de wiha got, “Hêz û parastina mafên me bi yekbûn û hevgirtina me a li Bexdayê ve girêdayî ye.”
Serokê YNK’ê Bafil Talebanî di derbarê pirsgirêkên di navbera Herêma Kurdistan û Bexdayê de jî di hevdîtinê de wiha got; “Emê hemû hewlekê bidin da ku pirsgirêkan li ser bingeha destûrê çareser bikin, da ku êdî mirov nebin qurbanî û li Iraqê hikûmetek bêcudahî xizmetê ji her kesî re bike, were avakirin.”
