Şervanên QSD, YPG û YPJ’ê bi berxwedaneke bê hempa li dijî dewleta Tirk a dagirker û çeteyên wê SMO li ber xwe didin û Bendava Tişrînê diparêzin. Şervanên Bendava Tişrînê tevî hemû zehmetiyan berxwedaneke leheng û qehremaniyeke mezin a dîrokî nîşan didin. Şervanên Bendava Tişrînê xwedî moraleke pir bilind in û li hember hemû êrîşên çeteyên dewleta Tirk a dagirker berxwedaneke bê hempa raber dikin.
Yek ji şervanên Bendava Tişrînê Baz Ereb, berxwedana dîrokî ya ku ew weke lehengên Bendava Tişrînê dibînin ji ANF’ê re vegot.
ÇETE BI PIŞTGIRIYA BALAFIRAN ÊRÎŞ DIKIN
Şervan Baz Ereb diyar kir ku çete bi piştgirtiya balafirên dewleta Tirk a dagirker êrîş dikin û got: “Dewleta Tirk a dagirker bi çeteyên xwe êrîşî Bendava Tişrînê dike û bi balafiran piştgiriyê dide êrîşên çeteyan. Şervanên Bendava Tişrînê tevî hemû êrîşên çeteyên dewleta Tirk a dagirker, bi taybet di qonaxa yekemîn a êrîşa çeteyên dewleta Tirk a li ser Bendava Tişrînê de roleke girîng û dîrokî lîstin. Ev êrîş bû sedem ku hin hevalên me li wir werin dorpêçkirin, ji ber vê yekê hêzên me hemû çekên xwe ji bo şikandina dorpêça li ser şervanên me bikar anîn û tevî dorpêça li ser wan ku bê av û xwarinê man, berxwedaneke bi lehengî û têkoşînek dîrokî hebû didan meşandin.”
ŞERVANAN ROLEKE GIRÎNG Û DÎROKÎ LÎSTIN
Baz Ereb anî ziman ku piştî çend pevçûnên dijwar, hêzên me karîn dorpêça li ser şervanan li wir bişkînin û wiha got: “Şervanan jî di rûbirûbûna êrîşên li wir de roleke girîng û dîrokî lîstin. Di operasyona yekemîn a êrîşa li ser Bendava Tişrînê de zêdetirî 110 çete hatin kuştin.
Li Bendava Tişrînê pevçûnên gelek dijwar diqewimîn û mesafeya şer di navbera me û çeteyan de tenê 15 metre bû. Em bi îrade û têkoşînê li ber xwe didin. Em dikarin êrîşên çeteyên dewleta Tirk a dagirker pûç bikin û derbeyên giran li çeteyan bixin.”
