Bi daxwaza azadiya Rêber Apo wê “Mîtîngên Azadiyê” di 27 û 28’ê Hezîranê de li Mersîn, Wan, Stenbol û Amedê bên lidarxistin. Mîtîng wê bi dirûşmên “Bi civaka demokratîk ber bi azadiyê ve” û “Bi Rêbertiyê azad ber bi civaka demokratîk ve” pêk werin. Qiseker û hunermendên beşdarî mîtîngan bibin diyar bû.
MERSÎN
Mîtînga li Mersînê wê 27’ê Hezîranê li Bexçeyê Milet ê li navçeya Yenîşehîrê bê lidarxistin. Hevseroka Giştî ya DEM Partiyê Tulay Hatîmogûllari û Çetîn Arkaş wê li mîtîngê biaxivin. Hunermend Eylul Nazlier, Ronî Artîn û Arhat jî wê derkevin ser dikê û hunera xwe nîşan bidin.
WAN
Heman rojê wê li Qada Newrozê ya Wanê mîtîng bê lidarxistin û Hevserokê Giştî yê DBP’ê Keskîn Bayindir û aktîvîsta TJA’yê Sebahat Tûncel lê biaxivin. Di çarçoveya mîtîngê de wê Koma Amed û hunermend Simyager û Beser Şahîn derkevin ser dikê.
STENBOL
Mîtînga li Stenbolê wê 28’ê Hezîranê li Qada Bagcilarê saet di 16:00 de destpê bike. Hevserokê Giştî yê DEM Partiyê Tûncer Bakirhan û berdevka partiyê Ayşegul Dogan wê li mîtîngê biaxivin. Bi bernameya hunerê de jî koma Agirê Jiyan û hunermend Tara Mamedova heye.
AMED
Mîtînga li Amedê jî wê 28’ê Hezîranê saet di 17:00 de li kolana Stasyonê pêk were. Hevseroka Giştî ya DBP’ê Çîgdem Kiliçgun Ûçar û Veysî Aktaş wê li mîtîngê biaxivin. Hunermend Pinar Aydinlar, Kadîr Çat û Serhedo wê hunera xwe pêşkêş bikin.
