Karkerên madenê yên giredayê Sendîkaya Karên Madenê ya Xweser ên ku li Holdînga SSS a Yildizê yê Doruk Madenê û Etî Gumuş Madenê ya Xerpetê dixebitin, ji bo heqdestê xwe bigirin hatin Enqereyê. Karkarên ku hatin Enqereyê bi daxwaza hevdîtinê bi Wezerata Enerjî û Çavkaniyên Xwezayî re bikin, ev 18 roj in li ber wezaretê di nav çalakiyê de ne. Piştî çalakî û muzakareyên bi wezaretê û holdingê re karker û holdîng li hev kirin.
Di roja 18’an de jî karker li ber wezaretê bûn. Piştî muzakereyên bi holdingê re hatin kirin karker li ber wezaretê daxuyaniyek da. Parlamenterê Partiya Wekhevî û Demokrasiyê (DEM Partî) Mahfuz Guleryuz û gelek endam û nûnerên partiyên siyasî û yên civakÎ tevlî daxuyaniyê bûn. Di daxuyaniyê de bi dirûşmeyê “Me li ber xwe da û em bi ser ketin” hat berzkiririn.
Parêzerê sendîkayê Mursel Under diyar kir ku karkerên madenê ew 18 roj in ji bo heqdestê xwe çalakiyê de ne û wiha got:” Em gelek westiyan lê çalakiya me bi ser ket. Em çalakiya xwe bi biryara giştî ve dawî dikin. Me li ser dayîna hemû heqdestan li hev kir. Lê wê heqdest bi taksîdan bên dayîn. Niha ji 4/1 heqdestê me razayê. Yê mayî jî li gor lihevkirinê divê di nav 40 rojan de were dayîn. “
Pişre Cîgirê Hevserokên DEM Partiyê Mahfuz Guleryuz axîvî. Mahfuz Guleryuz anî ziman ku ji bo çareseriyê ew di nav gelek hewldanan de bûn û wiha berdewan kir: “Em wek partî hem li kolanan û hem jî di masaya muzakereyê de ji bo çareseriyê bi karkeran re tevgeriyan. Wek rêberekî şoreşê jî gotiye ‘Berxwedan dibe serkeftinê, teslimiyet dibe îxanetê’. Ev çalakî da xuyakirin ku berxwedan ji bo girtina heqê xwe her tim dibe serkeftinê.”
Karkerê Madenê Ersîn Furuncu jî bi lêv kir ku berxwedana wan bi serkeftinê ve dawî bûye û wiha got: “Ev 3 carin em tên li vir. Ji bo heqdestê xwe me gelek zehmetî kişan. Yên ku pişgiriya me kirine re spas dikim.”
