Meclisa malbatên Şehîdan a Qamişloyê cenazeyên 2 şervanên Hêzên Komandos ên girêdayî QSD’ê şehîd Lewend Qamişlo (Usama Hesan) û Cebel (Ferhan Şebo) ên ku di 9’ê Çileya 2024’an li Minbicê de şehîd bûbûn, cenazeya şervana YPJ’ê şehîd Zeyneb Tekoşîn (Viyan Xelîl) a ku di 8’ê Çileya 2024’an li Minbicê de şehîd bûbû, li Pakrewangeha Şehîd Delîl Saroxan veşartin.
Merasîmê bi deqeyeke rêzgirtinê dest pê kir. Dûre Hevserokê Meclisa Malbatên Şehîdan a Qamişloyê Hisên Ebdurehman sersaxî da malbatên şehîdan û soza şopandina rêça şehîdan da.
Endama Tevgera Civaka Demokratîk (TEV-DEM) Şeha Xelîl jî bal kişand ser girîngiya projeya nenavendî û jiyana hevbeş a di navbera gelên herêmê de.
Şeha pensa pêvajoya dîrokî ya ku gelê Kurd bi saya fedakariyên şehîdan gihîştiye kir û got pêwîst e 2 qatî zêdetirî nasname û çanda Kurdî were parastin û xebata ji bo misogeriya mafê perwerdehiya bi zimanê dayikê were kirin.
Apê şehîd Zeyneb Têkoşîn, Ferîq Xelîl jî sopa şopandina rêça şehîdan heta pêkanîna armancên di oxira wan de têkoşiyane da.
Merasîm bi xwendina wesîqeyên şehdan, radestkirina ji malbaran re û definkirina cezayan bi dawî bû.
