Bi boneya salvegera 43`yemîn a Berxwedana 14`ê Tîrmehê ya Mehmet Hayrî Dûrmûş, Kemal Pîr, Alî Çîçek û Akîf Yilmaz, îro Meclisa Malbatên Şehîdan û Ciwanên Şoreşger ên kantona Firatê, sazî û dezgehên girêdayî Rêvberiya Xweser li Navenda Çand û Hunerê ya Baqî Xido ya Kobanê merasîmek li dar xist.
Merasîma bîranînê bi rêzgirtinê dest pê kir û piştre Hesen Kobanê şehîdên berxwedanê bi rêzdarî bi bîr anîn û got: “Bi çalakiya Mehmet Hayrî Dûrmûş, Kemal Pîr, Alî Çîçek û Akîf Yilmaz a di zindana Amedê de, berxwedaneke mezin hat meşandin.”
Piştî axaftinê şano ji aliyê Navenda Çand û Hunerê ya Baqî Xido ve hat pêşkêşkirin û dûre jî sînevîzyonek li ser berxwedana zîndana Amedê hat nîşandan.
Piştre jî mûm hatin pêxistin û ji aliyê endamên Ciwanên Şoreşger ve diyarî li malbatan hatin belavkirin.
