Hûkûmeta Sûriyeyê ya Demkî, di 13’ê Tîrmehê de bi piştgiriya eşîrên Ereb û bedewî yên li herêmê li hemberî civaka Durziyan a li bajarê Suwêdayê êrîş dane destpêkirin. Êrîşan heya 20’ê Tîrhemê berdewam kirin. Li gel daxilbûna hêzên navneteweyî, di navbera Hikûmeta Demkî û serokên ruhanî ên civaka Durziyan de agirbestek hate îlankirin.
Hêzên Hikûmeta Demkî û êşîrên girêdayî wê, li hemberî herêmên bejayî yên Suwêdayê car caran êrîşan pêk tînin, car caran jî topan diavêjin û agirbestê binpê dikin. Tevî van geşedanan hemûyan jî agirbest bi awayekî teknîkî hê jî di meriyetê de ye.
Vê siharê hêzên Hikûmeta Demkî, li hemberî gundên Suwêdayê bi dronên xwekujiyê yên bi navê ‘’Baz’’ êrîş pêk anîn. Milîsên Durzî bi çekên biçûk bersiv dan van êrîşan û hin dronên êrîşan bêbandor kirin. Her wiha dronek jî kete destê Durziyan.
Di gel ku rageşiya li herêmê berdewam dike, di heman demê de ambargoya Hikûmeta Demkî ya danî ser bajarê Suwêdayê jî berdewam dike.
