Ji bo gerîlayên HPG’ê Mehmet Tiryaki (Rifad), Edîp Tîryakî (Egîd), Heqî Soylu (Arteş), Mihemed Araz (Dilxwaz) û Vahap Ayil (Cîhad) ên ku şehadeta wan hatin ragihandin, li taxa Çarşi ya Êlihê sersaxiyê hat danîn. Bi pêşengiya MEBYA-DER’ê bi girseyî çûn serdana sersaxiyên şehîdan.
Hevserokê Partiya Herêmên Demokratîk (DBP) Keskîn Bayindir di sersaxiyê de axivî û got: “Di rewşên wiha de axaftin pir giran e. Têkoşîna gelê Kurd a ji bo azadiyê bi pêşengiya birêz Abdullah Ocalan ev 52 sal in bênavber berdewam dike. Dîroka Kurdistanê her tim wekî dîrokeke zilm û zorê tê bîranîn. Lê niha, bi pêşengiya birêz Ocalan ev çarenûs hatiye guhertin. Di dîroka cîhanê de heqîqeteke heye: Heta ku cangoriyên gel hebin çiqas di ser wê de dem derbas bibe jî wê teqez bigihêje azadiya xwe.
Di sersaxiyê de timî dirûşmeya “Şehîd namirin” hat berzkirin.
