Konseya Ewlekariyê ya Neteweyên Yekbûyî biryara dirêjkirina cezayên li ser hêzên Husî yên ku bakurê Yemenê kontrol dikin heta 14’ê Mijdara 2026’an, bi 13 dengên erê û bêalîmayîna Çîn û Rûsyayê derbas kir.
Konseyê daxwaz ji Husiyan kir ku hemû êrîşên xwe yên derveyî sînor, “di nav de yên li dijî binesazî û armancên sivîl,” rawestînin, û bang li welatên endam kir ku hewldanên xwe yên ji bo bicîanîn û çavdêrîkirina ambargoya çekan li ser komê zêde bikin.
Biryara nû rê li ber sepandina cezayan li ser kes û dezgehên ku beşdarî êrîşên derveyî sînor ên ji axa Yemenê hatine kirin vedike.
