Ji bo gerîllayê PKK’ê Ayhan Yildiz (Zozan) ku hat ragihandin di sala 1995’an de li gundewarê Çiyayê Cûdî ya Şirnexê şehîd bûye, li navçeya Nisêbîn ya Mêdînê taziye hat danîn.
Taziye li Mala Taziyeya ya Newroz a li Taxa Devrîm hate anîn. Bi pêşengiya MEBYA DER’ê bi girseyî serdana taziyeyê hat kirin.
‘EM Ê XWEDÎ LI NIRXÊN ŞEHÎDAN DERKEVIN’
Hevseroka MEBYA-DER’ê ya Mêrdînê Makbule Okmen got, “Îro di şexsê heval Zozan de, bi têkoşîna kesên ku di têkoşîna azadiya Kurd de şehîd bûne, gelê Kurd hatine ber aştiyê. Ji ber vê yekê di şexsê heval Zozan de, kesên ku di têkoşîna azadiya Kurd de jiyana xwe ji dest dane, bi rêzdarî û minetdarî bi bîr tînin û soz didin ku em ê her tim li ser rêya wan bimeşin û xwedî li nirxên ku ji me re hiştine derkevin.”
‘EM Ê XWEDÎ LI TÊKOŞÎNA WAN A BI RÛMET DERKEVIN’
Parlamentera DEM Partî ya Mêrdînê Bêrîtan Guneş jî bal kişand ser têkoşîna azadiyê ya jinên Kurd û wiha got, “Kesên ku di têkoşîna azadiya Kurd de jiyana xwe ji dest dan, jiyaneke bi rûmet hiştin. Îro tevahî gelên cîhanê dibînin ku jinên Kurd bi felsefeya ‘Jin, Jiyan, Azadî’ û bi dayîna berdêlên mezin, têkoşîna ji bo jiyaneke bi rûmet dide. Em jî li vê derê soza xwe ji wan dubare dikin û soz didin ku her tim xwedî li têkoşîna wan a bi rûmet derkevin.”
Serdan piştî xwendina duayan bi dawî bû.
