PKK’ê kongreya xwe ya 12’emîn di navbera 5-7’ê Gulanê de li Herêmên Parastinê yên Medyayê lidar xist. Di kongreyê de biryara fesixkirina avahiya rêxistinî ya PKK’ê û bidawîkirinan têkoşîna çekdarî hate wergirtin.
Ji damezrînerên PKK’ê Hevserokê Konseya Rêveber a KCK’ê Cemîl Bayik helwesta xwe ya têkildarî biryaran eşkere kir.
Bayik helwesta xwe bi vî rengî anî ziman:
“Weke ku heval jî zanin, ji destpêka vê tevgerê ve di nav de me. Hevalê Kemal Pîr ez bi Rêber Apo da naskirin. Heta ku Rêber Apo nas bikim, min ne Kurdistan, ne gelê Kurd ne jî xwe fêhm kiribû. Piştî ku min Rêber Apo nas kir, yanî piştî ku min ew dît û pê re axivîm min Kurdistan, gelê Kurd û kesayetiya xwe fêhm kir. Lewma ji destpêkê ve min Rêber Apo ji xwe re kir esas.
Meşa min ne meşeke bi dilê Rêber Apo jî be, gelek kêmasî û şaşitiyê min hebe jî ti carî min ji vê meşê paş ve gav neavêt. Min xwest, kêmasiyên xwe ji holê rakim û hêjayî Rêber Apo bim.
Dema ku min Rêber Apo nas kir, wê demê kelecan û coşeke mezin bi min re afirî be, dema ku partiya PKK’ê ava bû jî heman coş û moral bi min re çêbû. Dikarim bibêjim ku hîn bêhtir bi coş û moral bûm.
Me niha kongreyek pêk anîn. Di vê kongreyê de li ser fesixkirinan PKK’ê û bidawîkirina tevgera çekdarî me biryar wergirt. Weke damezrînerekî vê tevgerê ji bê yekê kelecanê werdigirim. Ji ber ku ez Rêber Apo gelekî baş fêhm dikim. Her gava ku Rêber Apo heta niha ji bo me, ji bo gelê me, ji bo tevgera me, ji bo mirovahiyê avêt, bi serketinê bi encam bû. Ji xwe ji ber vê yekê di nava tevgerê de, di nava gel de baweriyeke mezin ji bo Rêber Apo heye. Li cîhanê jî baweriya bi Rêber Apo re mezin dibe. Çawa ku min bi naskirina Rêber Apo re xwe nas kir û meşa xwe bi wî rengî dewam kir, eger ez careke din bêm dinyayê ez ê careke din Rêber Apo ji xwe re bikim esas. Dikarim bi kurtasî vê yekê bibêjim. Bijî Rêber Apo, bijî PKK.”
