Rêxistina Mafên Mirovan a Efrîn-Sûriyeyê ragihand ku çeteyên dewleta Tirk a dagirker li bajarokê Til Eranê yê gundewarê başûrê Helebê bi ser malan de û 11 kes revandin.
Li gorî heman rêxistinê, navên kesên hatine revandin ev in; Mistefa Ebû El Bîr, Omer Ebû El Bî, Îbrahîm Nasîf, Hesen Hermîs, Îsamîl Tenbel (40), Ehmed Tenbel, Mihemed Eto, Ehmed Eto (22), Mistefa Silêman (45), Mihemed Îsamîl Mihemed (17). Nasnameya revandiyê din nehat zanîn.
Rêxistinê destnîşan kir ku çeteyan duh (8 Mijdar 2025) nêzî saet 18.10 bi ser gund de girtin û 11 kes ku li pêşiya malên xwe rûniştibîn revandin. Rêxistinê da zanîn ku çeteyan kesên revandî birin girtîgeha El Waha ya bajarê Sifêrayê.
Rêxistinê diyar kir ku ji bo zêdebûna binpêkirin û revandinê de di demên dawîn de gelek ciwanan neçar man biçin Lubnanê.
