Rêxistinên Partiya Wekhevî û Demokrasiyê ya Gelan (DEM Partî) û Partiya Herêmên Demokratîk (DBP) ên bajêr û Tevgera Jinên Azad (TJA), 19 sal û 6 meh cezayê girtîgehê yê ku li Hevşaredarê Şaredariya Colemêrgê Mehmet Siddik Akiş ê ku qeyûmê tayinî şûna wî hat kirin hat birÎn, şermezar kirin. Ceza li Colemêrgê û navçeyên wê Gever û Şemzînanê hat şermezar kirin.
Hevşaredara Colemêrgê Viyan Tekçe, ku li şûna wê qeyûmek ji aliyê hikûmetê ve hatiye tayînkirin, diyar kir ku cezayê girtîgehê yê li Akiş hatiye birîn komployek e û got ku ew ê li dijî destwerdana li ser îradeya gel têkoşîna xwe bidomînin.
Endamê Meclîsa Şaredariya Geverê Delîl Yaşar di daxuyaniyê de ku li ber avahiya Rêxistina DEM Partiyê ya Navçeyê hat lidarxistin, axivî û got: “19 sal û 6 meh cezayê girtîgehê ne tenê li kesekî hatiye birin, ew di heman demê de li dijî mafê dengdan û hilbijartinê yê gel e jî. Ev biryar êrîşek li ser nirxên demokratîk û îradeya gel e.”
Rêveberê DEM Partiyê Naîf Erozoglû, di civîna çapemeniyê de ku li ber avahiya partiyê ya navçeyê hat lidarxistin, diyar kir ku cezayê girtîgehê yê ku li Siddik Akiş hatiye birin nayê qebûlkirin û ew ê li dijî vê bêhiqûqîtiyê têbikoşin.
