anî ziman ku kesên gule li wî reşandibûn du kes bûn û li ser motorsiklêtê bûn û got: “Serûrûyên wan girtî bûn. Min ji hêzên ewlekariyê re gotibû dijminek li pey mine û di bin çavêdêriyê de me. Êriş êrişeke pilankirî bû.
Şeva 2’yê Îlona 2025’an Rojnamevan Hêmin Mamend li Taxa Eqarî ya Silêmaniyê ji aliyê 2 kesên serûrûgirît ve hate gulebarandin. Mamend ji vê êrişê bi birîndarî rizgar bû û li nexweşxaneyê dihat dermankirin.
Rojnamevan Hêmin Mamend êrîşa li ser wî hatî kirin ji Rojnewsê re vegot. Hêmin Mamed anî ziman ku piştî bernameya televizyona Stêrk TV ya Serinc pêşkêş dike û şûnde li gel çend hevalên xwe çûye saziya Azadbûn û got: “Em bi mebesta xwe fêrî zimanê Kurmancî bikin çûbûn wir. Ew roja yekem a perwerdehiya min bû. Piştre ji bo xwarina şîvê bixwim çûm taxa Eqarî. Yek ji taxên qelebalix yê bajarê Silêmanî ye. Demek bû min serdana vê derê nekiribû. Piştî min xwarin xwar û vegeriyam gel wesayîta xwe, du kesên li ser motorsiklêtê û serûrûyê wan girtî bi demance gule li min reşand.”
Mamend wiha domand: “Demek bû dijmin min dişopand û li ser vê yekê min aliyên ewlekariyê jî agahdar kiribû. Yên êrîşî min kirin komek in. Tim di bin çavdêriya wan de bûm, ji bo kuştinê hatibûn.”
Rojnamevan Hêmin Mamend li ser rewşa xwe ya tenduristî jî wiha got; “Her çendî êş û azarên min giran jî be, pêwîstiya me herî zêde bi heqîqet, azadî, welat, aştî û bihevre jiyanê heye. Niha parçeyek ji guleyê maye di nava laşê min de. Li bendê me piştî du hefteyên din bi emelyatê bê derxistin.”
Hêmin Mamend spasiya kesên ku ew gihandine nexwşexaneyê kir û wiha got: “Ez ê bi ruhê şehîd Gulistan Tara, Hêro Bahadîn, Wedat Husên, Serdeşt Osman, Mamosta Cîhan li nava Medyaya Çapemeniya Azad kare xwe dewam bikim.”
Rojnamevan Hêmin Mamend wiha dawî li axaftina xwe anî: “Ez ji bo hemû xelkê Kurdistan û dijmin re tînim ziman; ji berê bihêztir im. Ez ê bi moraleke zêdetir li nava Ragihandina Azad kar bikim.”
Rojnamevan Mamend spasiya medyaya li Silêmaniyê kir û daxwaz kir ku ku dosyaya wî weke dosyaya berê berovajî nekin û got: “Daxwaz dikim kesên li pişt vê planê bên girtin û dadgehkirin.”
