Ji beşdarên Konferansa Aştî û Civaka Demokratîk a Navneteweyî ya li Stenbolê Cîhangîr Îslam anî ziman ku hevdîtina bi Rêber Apo re rast e û destnîşan kir ku ji bo çareseriyê divê bi wî re bê axaftin.
Nivîskar Cîhangîr Îslam ku beşdarî Konferansa Aştî û Civaka Demokratîk a Navneteweyî ya li Stenbolê bû, li ser pêvajoyê ji ANF’ê re axivî.
Îslam bal kişand ser kes û hêzên ku hewl didin pêvajoyê sabote bikin û got, “Mixabin di çapemeniyê de, li ser medya dîjîta dibînim. Komek heye ku dixwaze pêvajo bi rê ve neçe. Beşek ji van dibe ku ji ber sedemên aboriyê be, beşek jî dibe ku xwe dispêre sedemên şexsî, travmayên dema zarokstiyê, lê belê dawiya dawî tiştekî bi vî rengî derdikeve pêşiya me. Tişta destpêkê ku li hemberî van bê kirin ew e ku provokasyonên bi vî awayî nedin pêş. Divê mirov hurmetê nîşanî wan mirovan bidin ku êş kişandine. Divê mirov hurmetê nîşanî wan mirovan bidin ku zarokên xwe winda kirine. Ji bo êşa wan sivik bikin û rewşa wan baş bikin çi ji destê mirovan tê divê bikin. Di nava civakê de divê rê ji wan kesan re neyê dayin ku hewl didin aştiya civakî sabote bikin. Aştîxwaz divê dewam bikin.”
Îslam diyar kir ku ew alîgirê wê bû ku komîsyona li meclîsê li Îmraliyê serdana Rêber Apo bike û anî ziman ku muxatabê pirsgirêkê diyar e. Îslam axaftina xwe bi vî rengî dewam kir, “Serdan bi serê xwe bû mijara nîqaşê. Nêrîna min a şexsî ew bû ku serdan pêk were. Ji bo çareseriyekê beyankirina nêta xwe û rûniştina li dora maseyekê mirovan wekhev dike. Hûn ê êdî li ser heman kursiyan rûnên û biaxivin. Di dawiya vê pêvajoyê de jî eger rewşeke xeyidî hebe wê aştî pêk were, bi destê hev bigirin. Hêvî û bendewariya min ew bû ku hemû biçin. Lê belê ew nebû. Divê mirov zêde mezin neke. Eger mirov di komîsyonê de bin ev tê wê wateyê ku hin rewş dikevin meriyetê. Bi taybetî partiyên siyasî li ser rastiyên xwe yên siyasî dibe ku ava bû bin. Divê mirov vê yekê tolere bikin, rêya xwe dewam bikin. Bersiva dewletê divê mirov ji dewletê bipirsin. Ez yek ji wan mirovan im ku dewletê bi rêya Biryarnameya bi Hukmê Qanûnî (KHK) hatiye avêtin. Mirov hene ku ji ber KHK’î ne gelek zor û zehmetiyan dikişînin. Divê ev pirsgirêk çareser bibe.”
Îslam işaret bi rastiya gotinên Devlet Bahçelî kir û axaftina xwe bi vî rengî qedand; “Ji bilî Ocalan tu yê bi kê re biaxive? Gotina Birêz Bahçelî rast e. Eger hûn ê çareseriyekê pêk bînin divê hûn kesê li hemberî xwe muxatab bibîne. Hûn ê bi wî re çareseriyê biafirînin. Eger girseyek, gelek işaretê bi wê derê dike, ev yek nîşan dide bê divê hûn bi kê re biaxivin.”
