Li gundê Lacan ê Hewlêrê, gundiyan hefteya derbasbûyî bi daxwaza kar li pêşiya Şîrketa Petrolê ya Lanazê çalakiyek lidar xistibûn, lê belê hêzên PDK’ê bersiveke tund da xwepêşandêran û di encamê de kesek hate kuştin, 10 kes jî birîndar bûn.
Li gorî agahiyan, yek ji birîndarên giran vê sibehê li nexweşxaneyê jiyana xwe ji dest da.
Hat zanîn ku navê kesê jiyana xwe ji dest dayî Arman Senar Diriye, pîşeyê wî pêşmergeye û xelkê gundê Lacane.
Li gor heman agahiyan Arman Senar yek ji wan kesan bû ku ji ber tevlî xwepêşandanê bibû, biryara binçavkirina wî hatibû dayîn. Hat zanîn ku biryara binçavkirinê ji bo birîndarên din jî hatiye dayîn, piştî tedawiya wan temam bû, wê werin binçavkirin.
