Li Colemêrgê 13’ê Tebaxê Elyasa Taş ê 9 salî dema li pêşiya Midûriyeta Sporê ya Parêzgehê duçerxê diajot bêhemd li hevjîna çawişê pispor Î.S’ê xist. Piştî bûyera ku bi qezayekî biçûk destpê kir, Î.S’ê tundiya fîzîkî li zarokê kir û zendikê zarokê şikand. Zendika Elyasa bi emelyatê platîn kirin û hîna jî li nexweşxaneyê di bin çavdêriyê de ye.
Hevberdevkên Komîsyona Hiqûq û Mafên Mirovan a DEM Partiyê Sevda Çelîk Ozbîngol û Ozturk Turkdogan di daxuyaniya xwe de têkildarî mijarê de bi bîr xistin ku tevî ku piştî serlêdana sûc gumanbar hatiye binçavkirin jî, heman sibehê bi kontrola edlî hatiye berdan.
Di daxuyaniyê de hate destnîşankirin ku bi hincetên ku kamerayên Midûriyeta Sporê bi mehan in naşixule, qeydên MOBES’ê jî cihê bûyerê nîşan nade, xwe gihandina ji bo delîlan tê astengkirin û hate diyarkirin ku hewl tê dayîn qeydên kamerayê yên vê rewşê bi zanebûn tên windakirin û polîtîkayên bêcezahiştinê dewam dikin.
DEM Partiyê destnîşan kir ku ew ê tu car destûrê nedin ku faîl bên parastin û delîl bên windakirin û ragihandin ku heta ku ji bo Elyasa edalet were bi cih anîn ew ê dozê bişopînin.
