Rewşa herêmên başûrê Taylandê gelekî krîtîk e. Li eyaleta Songkhlayê kapasiteya morgan tije bûye û li seranserê welêt 145 kesan jiyana xwe ji dest dane.
Li Hat Yaiyê gelek welatî ku yek ji wan bajaran e ku herî zêde jê bandor bûye, derketin ser banên xaniyên xwe li bendê man ku keştî werin û wan rizgar bikin.
Li rojavayê Girava Sumatra ya Endonezyayê jî ji ber lehî û hezazan herî kêm 90 kesî jiyana xwe ji dest dane û gelek kes jî winda ne. Ji herêmê re ekîbên lêgerîn-rizgarkirinê yên zêde hatin sewqkirin.
Bahoza tropîkal a bi navê ‘’Ditwah’’ a li Sri Lankayê jî bû sedema barînên zêde û çêbûna hezazan. Hate ragihandin ku 56 welatiyan jiyana xwe ji dest dane û 21 welatî jî winda bûne. Artêşê jî piştevanî da xebatên lêgerîn û rizgarkirinê û bi hezaran kes ji bo herêmên ewle hatin veguhestin.
Pispor diyar dikin ku bahozên tropîkal ên di dema barînên musonê de radibin, ji ber krîzên avûhewayê zirarên mezintir didin. Barînên ku ji ber zêdebûna germahiyê dijwartir dibin, rê li ber rabûna lehî û bayên dijwar vedikin.
Tê payîn ku barîn û talûkeya li herêma berbehs heya dawiya hefteyê bidomin.
