Li gorî Saziya Çavdêriya Mafên Mirovan a Sûriyeyê (SOHR), hêzên Îsraîlê vê sibehê bi ser bajarokê Beyn Cin ê gundewarê Şamê de girt û operasyoneke girtinê pêk anî. Di heman demê de êrişên hewayî û yên bi obîsan li derdora bajarokê kirin.
Hate diyarkirin ku navbera hêza Îsraîlê ya ku bi ser bajarokê de girt û çekdarên bajarokê şerekî dijwar qewimî.
Li gorî agahiyan, di şer de 7 jin û zarok di nav de, bi kêmanî 13 kes hatin kuştin û 20 kes bi giranî birîndar bûn. Hin kes ku ji aliyê artêşa Îsraîlê ve jî hatin girtin hin din di binê kavilan de ne.
Artêşa Îsraîlê diyar kir ku 6 leşkerên wê hatine kuştin û malek bi temamî hilweşiya.
Hêzên Îsraîlê piştî ambulans û ekîbên rizgarkirinê yên hikumeta veguhêz a Sûriyeyê kontrol kirin destûr da wan ku derbasî bajarokê bibin da ku qurbanî û birîndaran rakin.
Li gorî agahiyan, pevçûn piştî ku dewriyeya Îsraîlê bi mesafeya nêzî 200 metreyî avêt û hin ciwanên bajarokê girtin, destpê kir.
SOHR’ê di nûçeya destpêkê de ragihandibû ku 2 dewriyeyên leşkerî yên Îsraîlê li derdora bajarokê Beyt Cin operasyoneke girtinê pêk anî û derdora bajarokê bi dijwarî topbaran kirin, ciwanên herêmê jî bersiv da û hewl dan li ber serdegirtinê bigirin. SOHR’ê destnîşan kiribû ku li gorî agahiyên destpêkê bi kêmanî 10 kes hatibûn kuştin û hin kes winda ne. Li gorî SOHR’ê şer dewam dike û balafirên şer li ser herêmê digerin.
