Hê jî nayê zanîn bê ka çima rojnamevan, derhêner û mafparêz Hakan Tosûn hatiye kuştin. Her wiha derket holê ku li ser profîla medyaya dijîtal a Yûsûf Ozakdag ê ku tevî beşdarî êrîşa ku bûye sedema mirina Hakan Tosûn bûye jî û li Navenda Polîsan a Esenyûrtê weke şahidê bûyerê îfadeya wî hatiye standin û berdan, li gel hashtagên #infaztimi (tîmê înfazê), #karamaskeliler (rûpoşreş), #dlt (kurteya Daltonan), #yunanistan (yewnenistan), #atina (Atîna) û #gürcistan (Gurcistan) û wêneyên motorsîkletên bêplaka û çek hene.
DI CÎNAYETA HAKAN TOSÛN DE PIRSÊN BÊ BERSIV MANE
Hakan Tosûn dema ku şeva 11’ê Cotmehê dixwest biçe mala dayîka xwe ya li Taxa Mehmet Akîf Ersoy a li navçeya Esenyûrtê, ji aliyê du kesan ve hate qetilkirin. Tosûn ê ku ji ber derbeyên xwarîn, xwînariya mejîyî derbas kir, dema ku ew rakirin nexweşxaneyê her du gumanbarên sereke Abdûrahman Mûrat ê 18 salî û Adnan Şahîn ê 24 salî li şûna ku werin binçavkirin, bang li wan hate kirin ku ew ji bo dayîna îfadeyê werin Navenda Polîsan a Esenyûrtê û ew bi lez ji ber sûcê birîndarkirina bi qestî hatibûn binçavkirin. Her çend li nêzî cihê bûyerê nexweşxane hebûn jî, birîna wî ya ji bo nexweşxaneyên Başakşehîr Çam û Nexweşxaneya Sakûra, li wir jî nestandina ji serwîsa venêrîna awarte û sekinandina li serwîsa lezgîn, agahdarnekirina malbata wî ya 27 saetan û weke eger nîşandana nebûna nasnameya wî û piştî 6 rojan hate zanîn ku eşyayên aîdî Tosûn li navenda polîsan a lê îfadeya gumanbaran hatiye standin, hatine girtin bûbûn cihê gelek pirsên bêbersiv.
KÎ YÛSÛF OZAKDAG DIPARÊZE Û ÇIMA?
Li gorî dîmenên têkildarî kêliya bûyerê jî hatibû tespîtkirin ku di êrîşa li dijî Tosûn de ne du kes sê kesan cih girtiye. Di gel ku du kesên êrîşî Hakan Tosûn kirine, hatin binçavkirin jî derketibû holê ku Yûsûf Ozakdag ê ku yek ji gumanbarê sereke Abdûrahman Mûrat ê 18 salî bi motorsîkleta xwe gerandiye û piştî bûyerê vegeriyaye cihê bûyerê û lê nêrîye bê ka Tosûn sax e yan na û li heman navenda polîsan piştî standina îfadeyê hatiye berdan. Her wiha hate zanîn ku serlêdana malbat û parêzerên Hakan Tosûn a têkildarî girtina Yûsûf Ozakdag ê ku tevî beşdarî êrîşê bûye jî hatiye berdan, ji aliyê dozgerê dosyayê ve bi hinceta ku ‘’delîl kêm in’’ dirêj kiriye.
Derket holê ku li ser profîla medyaya dijîtal a Yûsûf Ozakdag ê ku hatiye belgekirin beşdarî êrîşê bûye, li gel hashtagên #infaztimi (tîmê înfazê), #karamaskeliler (rûpoşreş), #dlt (kurteya Daltonan), #yunanistan (yewnenistan), #atina (Atîna) û #gürcistan (Gurcistan) û wêneyên motorsîkletên bêplaka û çek hene.
Tê dîtin ku Ozakdag ê ku hesaba xwe negirtiye jî, yek ji gumanbarê sereke Abdûrahman Mûrat li ser medyaya dijîtal dişopîne. Ev yek pirsên weke; ‘Gelo li pişt vê êrîşê çete hene?’ û ‘Ger çete hebin çima ev yek tê veşartin û bi ser de jî çima ev qas zêde tê parastin?’ derdixe holê.
