Navenda Çavdêriya Mafên Mirovan a Sûriyeyê (SOHR) ragihand ku di girtîgehên Wezareta Hundirîn a Hikumeta Veguhêz a Sûriyeyê de di Îlonê de 3 kes hatine kuştin. Her sê kes jî, dem demê, rûbirûyî êşkence û lêdanê mabûn.
SOHR`ê destnîşan kir ku girtiyek ji Mesakin Berzê ye ku 10`ê Îlonê, piştî ku bi endamekî hêzên ewlehiyê re şer kiriye, hatiye girtin û di girtîgehê de wefat kiriye.
SOHR`ê da zanîn ku yê din ciwanekî Xiristiyan e û ji gundê Kefra yê Geliya El Nasara ye. Piştî 15 rojan di girtîgeha Balona ya Humsê de ji ber êşkenceyê wefat kiriye.
Li gorî SOHR`ê yê sêyemîn Elewî ye û ji taxa kerim Şemşem a bajarê Humsê ye. Ji aliyê hêzên hikumeta veughêz ve Adara borî hatibû revandin. Heman kesan, hewl dan malbata wî şantaj bikin ji bo ku pere bibin, lê 29`ê Îlonê cenazeyê wî di nexweşxaneya El Welîd de hate dîtin.
Bi vê daneyê re ku SOHR`ê parve kiriye, ji 8`ê Kanûna 2024`an ve, di girtîgehên hikumeta veguhêz de, 59 girtî di bin êşkenceyê de hatin kuştin.
