Rûsyayê di meha gulanê de êrîşên xwe yên bi AHB yên dûrhavêj ku li ser Ukraynayê pêk tîne, gihandin asta rekorê.
Li gorî berhevoka ku ajansa AFP’ê li ser daneyên rojane yên Hêzên Hewayî yên Ukraynayê amade kiriye; artêşa Rûsyayê di meha gulanê de bi giştî 8 hezar û 150 AHB’yên dûrhavêj avêtine Ukraynayê. Ev hejmar li gorî meha avrêlê %24 zêdebûnê nîşan dide.
Hate ragihandin ku di meha gulanê de, di dema yek ji êrîşên mezin ên Rûsyayê yên li ser Kiyêvê de, mûşekek li avahiyeke apartmanê ketiye û di encamê de nêzî 20 kesan jiyana xwe ji dest dane.
%91’Ê WAN HATE BÊBANDORKIRIN
Rêveberiya Ukraynayê ragihand ku %91’ê Mûşek û AHB’yên ku di meha gulanê de ji aliyê Rûsyayê ve hatine avêtin, ji aliyê pergalên parastina hewayî ve hatine bêbandorkirin. Lê belê rayedarên Ukraynayî ev demeke dirêj e hişyariyê didin ku stokên mûhîmatê yên pêwîst, bi taybetî ji bo pergalên parastina hewayî ya Patriot, kêm in.
