Çalakiyên 5`emîn Mihrîcana Fîlman a Navneteweyî ya Rojava di roja xwe ya 6`emîn de berdewam kir. Li Navenda Mihemed Şêxo ya Çand û Hunerê û Navenda Mezopotamyayê ya Çand û Hunerê film hatin pêşandan.
Bernameya roja 6`emîn bi semînerkê li Navenda Mihemed Şêxo dest pê kir. Di semînerê de bandora pevçûn û veguherînên siyasî li ser çêkirina fîlman, û rola sînemayê di veguheztina çîrokên gelan di demên pevçûn û koçberiyê de hat gotûbêjkirin.
Piştî semînerê, kurtefîlma ” Tongueless Dream – Xewna Bê Ziman” hate nîşandan, ku balê dikşîne ser têkiliya di navbera bîrdank, deng û nasnameyê de.
Belgefîlma “Tevî Her Tiştî” ya Robert Craig jî hate nîşandan. Fîlm çîrokên jinên ku li gundê “Jinwar”ê, dijîn vedibêje, rastiyên rojane yên jinên li Bakur û Rojhilatê Sûriyeyê nîşan dide û rola wan di avakirina civakek demokratîk de ji sifirê, tevî şer û bêaramiyê, vedibêje.
Bernameya danê êvarê bi nîşandana kurtefîlma “Happy End” berdewam kir, piştre kurtefîlma “Bint El Shalabiya” hate nîşandan.
Li Navenda Mezopotamyayê ya Çand û Hunerê jî, bername bi belgefîlma “Threads of a Revolution” dest pê kir, piştre fîlma dirêj “Xoftex”, belgefîlma “Nyumba” û belgefîlma kurt “In the Heart of the Sun” hatin nîşandan.
Nîşandanên îro bi filma ” Our Songs Were Ready for All Wars to Come “, ku bandora bîrdanka çandî û hunerî li hember şer vidibêje, bi dawî bûn.
