TJA’yê li Êlihê şahî li dar xist. Di şahiyê de çîrokên jiyana jinên hatine qetilkirin ku di nav wan de Gulistan Tara, Hero Bahaddîn û Nagîhan Akarsel jî hene, hatin vegotin.
Di şahiyê de dirûşmeya “Jin jiyan azadî” hat berzkirin. Çalakvana TJA’yê Nurten Uzumcu diyar kir ku jin di şert û mercên ku her diçe dijwartir dibin de têdikoşin û anî ziman ku krîza aborî û zextên siyasî rê li ber tundiya ser jinan vedike.
Midûriyeta Polîtîkayên Jinan a Şaredariya Peyasê ya Amedê li taxan serdana malan kirin. Di serdanan de jinan vexwend atolyeyên hevgirtinê yên li dijî tundiyê û têkildarî mekanîzmayên têkoşînê agahî dan.
Şaredariya Erxeniyê jî bi dirêşma “Soza me ya ji bo jiyanek bê tundî û jiyana azad bi dawî nebûye, em ê bi hev re tundiyê rawestînin” bi jinan re civiya. Jinan pirsgirêkên dijîn û tecrubeyên xwe parve kirin û pêşniyarên çareseriyê pêşkêş kirin.
