11 sal di ser komkujiya li ser gelê gundê Zergelê yê ser bi bajarokê Wertê yê Binarê Qendîlê re derbaz bûn ku di 1’ê Tebaxa 2015’an de ji aliyê dewleta Tirk ve hate kirin û 8 welatiyên sivîl şehîd bûn. Di salvegera 8’emîn ya komkujiyê de, li ber Bîrdariya Şehîdên Zergelê ya li gundê Zergelê çalakî hate lidarxistin. Di çalakiyê de şehîdên komkujiyê hatin bibîranîn, dewleta Tirk hate şermezarkirin û bang li Hikûmeta Iraqê hate kirin ku ji bo parastina welatiyên û serweriya xaka xwe hemû rêbaz û mafên xwe yên yasayî bikar bîne.
Di çalakiya bîranînê de çalakvaneke Kerkûkî yê binavê Ebdulrehîm Hesen beşdarî axivî û got; “Dijmin bi şewitandina daran, wêrankirina gundan, şehîdkirina jin-zarokan û teqandina piran nagihijin tu armancan. Di dawiyê de, divê ew vegerin ser wê rastiyê ku li vê herêmê dozek heye, ew jî doza rewa ya gelê Kurd. Dagirkeran di gelek dem û zimanan de hebûna gelê Kurd înkar kirine. Lê ew bi ser neketin. Di dawiyê de, divê her kes bi yekîtî û bi zimanekî guncaw bersiva daxwazên gel bide, ne bi çavtirsandin û tepeserkirinê.”
