Hikûmeta Efrîkaya Başûr piştî derket holê ku 17 welatiyên di şerê Rûsya-Ukraynayê de ji bo pere tevlî hêzên leşkerî bûne, lêpirsîneke berfireh da destpêkirin. Di daxuyaniya ji hêla Serokomariyê ve hat dayin de hat diyarkirin ku kesên temenê wan di navbera 20 û 39 salî de ne, bi sozên dahatê hatine xapandin, wan şandine herêma Donbasê û niha li ser xeta şer asê mane.
Serokomar Cyril Ramaphosa talîmata ku ji bo şert û mercên ku ciwanan dikşîne nav xebatên leşkerî yên bi pere were lêkolînkirin, da.
Hindistan, Nepal û Srî Lankayê jî vê dawiyê daxuyandin ku welatiyên wan jî bi heman awayî bi belgeyên sexte şandine şerê Rûsyayê. Hikûmeta Efrîkaya Başûr berê derbarê hewldanên ku ciwanan bi karên sixte yên ku li Rûsyayê di hilberîna dronan de bidin xebitandin hişyar kiribû.
Hewldana Kurevî ya Dijî Sûcên Rêxistinkirî yên Navneteweyî di meha Gulanê de raporek weşand û diyar kir ku jinên ji zêdetirî 20 welatên Efrîkayê ji bo hilberîna balafirên bêmirov, li Rûsyayê bi awayekî sextekarî xistine kar.
