Ji şerê Îran-Îsraîlê yên 12 rojan û vir ve ku 24’ê Hezîranê bi agirbestê bi dawî bû, yekemcar rayedarekî payebilind ê Elman serdana dîplomatîk li Îsraîlê kir.
Wezîrê Karên Hundir Alexander Dobrindt serdana taxa Bat Yamê kir ku 3 jê zarok gelek kesan jiyana xwe ji dest dan û li cihê enqazê got, “Divê em piştgiriya xwe ya bi Îsraîlê re hîn xurt bikin.”
Şansolyeyê Elmanyayê Friedrich Merz 17’ê Hezîranê di dema civîna bilind a G7 de daxuyaniyek dabû û diyar kiribû ku Îsraîlê bi êrîşa li ser kapasîteya nukleerê ya Îranê re ‘Ji bo me hemûyan karê nebaş kir’. Ev daxuyanî li welatê wî bû sedema rexneyan.
Wezîrê Karên Derve yê Îsraîlê Gideon Saar serdana Elmanyayê weke nîşaneya ‘piştevaniyê’ pênase kir û bang li civaka navneteweyî kir ku ‘Tedbîrên pêwîst werbigire’. Her wiha xwest, ji nû ve pêkanînan li ser Îranê ferz bikin.
Îsraîlê 13’ê Hezîranê êrîş bir ser Îranê û îdîa kir ku êrîş ji bo astengkirina afirandina bombeya atomê bû.
Îsraîlê diyar kir ku di êrîşên fuzeyan ên Îranê de bi giştî 28 kesan jiyana xwe ji dest dan. Ji ber sansura leşkerî ya li ser çapemeniyê, nayê zanîn bê asta rasteqîn a xisara êrîşên Îranê li Îsraîlê çi ye.
Li Îranê li gorî hejmarên fermî di êrîşên Îsraîlê de herî kêm 627 sivîlan jiyana xwe jid est dan, nêzî 4.900 kes jî birîndar bûn.
