Diyar Koç di meşa ji bo şermezarkirina êrîşên li ser Rojava di 20’ê Çileyê de li sînorê navçeya Nisêbînê ya Mêrdînê de hat binçavkirin û êşkencekirin. Rewşa jiyanî ya Koç hîn jî di rewşek krîtîk de ye. Metirsiya ku xwînrijiyaye hundirê Koç heye û hestiyên serî û pişta wî şikestine, duh li ser zexta polîsan a li ser bijîşkan ji nexweşxaneyê hat derxistin. Koç ê ku di meşê û sekinandinê de zehmetî dikişîne, ji bo îfadeyê birin qereqola polîsan. Koç bi îdîaya ku al daxistiye hedef hate nîşandan, wir tenê pirsa “Te ala YPG’ê daliqadan” pirsîn. Malbata Koç derxistina wî ya ji nexweşxaneyê bi gotina “Ev ji mirinê pêvtir ne tiştekî din e” bert ek nîşan dan.
‘POLÎS ‘DAXISTINA ALÊ’ JÊ NE PIRSÎN’
Parêzerên Komeleya Hiqûqnasê Ji Bo Azadiyê (OHD) û xizmên Koç ku me li ser vê mijarê axivîn bertek nîşanî bûyeran dan û destnîşan kirin ku êşkence li Koç hatiye kirin, ji mafê xwe yê tenduristiyê bêpar maye û bi awayekî neqanûnî hatiye girtin. Diyar Koç li ser medyaya dîjîtal bi gotinên “al daxistiye” hatibû hedefgirtin û wêneyên êşkenceyê paşê ji hêla hesabên nijadperest ve hatibûn parvekirin û piştî bûyerê birin nexweşxaneyê. Her çîqasî Koç li nerxweşxaneyê hat ser hişê xwe, ji ber şikestina hestiyên wî niakre bimeşe û nikare biaxive. Koç ê ku xwînrijiyaye mejiyê wî û rîska xwînrijandina hundurê wî de bû, duh sibehê berî ku dermankirina wî biqede, li ser zext û gefên polîsan ên li dijî bijîşkan, ji nexweşxaneyê hate derxistin.
‘BI KURSIYÊ WÎ BIRIN QEREQOLA POLÎSAN Û EDLIYEYÊ’
Koç ê ku kursiya bi teker nedanê, ji ber hestiyên wî şikestine bi kursiya sê teker birin qereqola polîsan û piştre jî birin edliyeyê.Di lêpirsîna polîsan de tenê pirsek jê hat pirsîn û paşê li ser daxwaza girtinê ya dozger ji hêla dadgeriyê ve hat girtin. OHD a ku şahidiya vê pêvajoyê kir derbarê bêhiqûqiya hatiye kirin ji ajansa me re vegotin. Parêzeran raporek li ser vê mijarê jî amade kirine, ev agahî dane ajansa me:
‘GELEK KES BI ÊŞKENCEYÊ HATIN BINÇAVKIRIN’
“Dema ku gihîşt nexweşxaneyê, me li ser lingan wî dît. Hişyar bû lê rewşa wî nebaş bû. Her tim digot, ‘Serê min diêşe.’ Di destpêkê de, nehiştin ku yek li gel wî bimîne. Paşê em hînbûn ku êşkence li qereqola polîsan berdewam kiriye. Ew rastî êşkenceyek dijwar û sîstematîk hatiye. Êşkenceyeke wisa lê hatiye kirin ku bêhna xwîna hişk jê dihat. Ne tenê Diyar; gelek kesên ku di vê pêvajoyê de hatine binçavkirin rastî muameleya xirab û êşkenceyê hatine. Dema ku Diyar cara yekem çû nexweşxaneyê, polîs gazî bijîşkên li wir kirine û ew birin odeyek cuda. Piştî civîna li wê odeyê, helwesta bijîşkan guherî. Diviyabû niha wî ji nexweşxaneyê dernexistina, tevî ku hestiyên wî şikestine jî wî ji nexweşxaneyê derxistin. Mixabin, ew nikare bisekine û nikare pêdiviyên xwe pêk bîne. Di serê wî de 3 cihên şikestî hene. DTiştên jiyaye û êşkenceya ku li wî kirine, di belgeyên fermî de wekî ‘ji bircê ketiye’ derbas kirine. Ew ji tenduristî û jiyanê bêparhatiye hiştin. Divê ev neheqî di zûtirîn dem de bi dawî bibe. Biryara ku tevî nebûna delîlan hatiye dayîn nayê qebûlkirin.”
‘BI ZEXTA POLÎSAN JI NEXWEŞXANEYÊ HATE DERXISTIN’
Di vê pêvajoya ku apê wî li cem wî bû, bertek nîşanî vê rewşê da. Xizmên Koç li ser pêvajoyê wiha gotin: “Rewşa wî ne baş e. Cerrahê mejî got ‘pirsgirêk tune’ û ’em ê wî derxin.’ Me nexwest ku ew bê derxistin. Hîn jî rewşa wî ne baş e. Li seranserê laşê wî şikestin hene. Hemû organên wî yên hundirîn zirar dîtine. Em qebûl nakin ku piştî du rojan wî ji nexweşxaneyê derxistin. Di bin zexta polîsan de wî ji nexwşxaneyê derxistin.
Dibêjin xetereya xwînrijandina hundirîn ji holê rabûye, lê diviya bû ku çend rojên din bimîne da ku şikestinên wî baş bibin. Em difikirin ku bijîşk ditirsin. Bûyera alayê bi tevahî hatiye berovajîkirin û ji bo hedefgirtina wî hatiye bikaranîn. Dibêje ‘Ti eleqeya min pê re tuneye.’ Bûyer bi tevahî hatiye berovajîkirin û ji bo hedefgirtina wî hatiye bikar anîn. Wekî malbata wî, em vê êşkenceyê qebûl nekin.”
