Daxuyaniya Federasyona Gaziyan a Bakur û Rojhilatê Sûriyeyê bi vî rengî ye:
“Di nav hemû civak û gelan de rojên girîng û pîroz hene. Yek ji wan jî Cejna Êzî ya civaka me ya Êzidî ye ku her sal weke rêûresmeke dîrokî tê pîrozkirin.
Em weke Federasyona Gaziyên Bakur û Rojhilatê Sûriyeyê û tevahî gaziyên şer vê cejna giranbiha li xelkê me yê Êzidî yê li Rojava, Şengal, Bakur û li her devera cîhanê ne pîroz dikin. Em bi hêvî ne Cejna Êzî bibe wesîleya aştî û aramiya li tevahiya Kurdistan û Rojhilata Navîn. Her wiha em hêvîdar in ev cejn bibe cejna xêr, xweşî û azadiya fizîkî ya Rêber Apo.
Xelkên me yên Êzidî gelek zext, zehmetî, xizanî û koçberî dît. Hîn jî êşa êrîş û komkujiyan dikişîne. Tevî van hemû êş û zehmetiyan jî xelkê me yê Êzidî timî nirxên aştiyê û jiyaneke azad û wekhev parastiye, xwedî li bawerî û dîroka xwe derketiye. Em dizanin ku hebûna xelkê me yê Êzidî garantiya pêkve jiyana hemû gel û baweriyan e.
Weke gaziyan em soz didin bi hêza xwe ya cewherî êrîşên li ser hemû mirovahiyê pûç bikin, tevahî hewldanên hêzên xwedî hişmendiya qatil kastîk vala derxînin û serkeftinê qezenc bikin.
Em careke din cejna Êzî li Rêber Apo yê ji bo civaka Êzidî were parastin û rêxistinbûna xwe xurt bike di nav hewldanên mezin de ye, li tevahî şehîdên azadiyê û gelên azadîxwaz pîroz dikin. Em hêvîdar in sala were li Şengala Nûranî em bi Rêber Apo re cejna xwe pîroz bikin.”
